Мужчынская гімназія (Амсьціслаў)

Мужчынская гімназія — помнік архітэктуры пачатку XX ст. у Амсьціславе. Знаходзіцца пад адрасам вуліца Кармэліцкая, 14. Твор архітэктуры эклектыкі з рысамі стылю мадэрн. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Мужчынская гімназія
Будынак былой мужчынскай гімназіі
Краіна	Беларусь
Места	Амсьціслаў
Каардынаты	54°01′16.57″ пн. ш. 31°43′49.44″ у. д.
Архітэктурны стыль	эклектыка
Аўтар праекту	Сцяпан Мацвеевіч Валансевіч[d]
Дата заснаваньня	1908
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Мужчынская гімназія на мапе Беларусі Мужчынская гімназія
Мужчынская гімназія на Вікісховішчы

Гісторыя

Дом збудавалі ў 1908 годзе з цэглы. У будынку разьмяшчалася мужчынская гімназія, пазьней сярэдняя школа №1. З 2002 году не выкарыстоўваецца.

Архітэктура

Помнік эклектычнай архітэктуры з рысамі стылю мадэрн. Гэта асымэтрычны 2-павярховы Т-падобны ў пляне будынак, які складаецца з трох злучаных паміж сабою корпусаў. Галоўны фасад вылучаецца з бакоў рызалітамі, вэртыкальна падзяляецца высокімі паўцыркульнымі аконнымі праёмамі — вузкімі на першым паверсе і шырокімі на другім. Над цэнтральным уваходам, вылучаным дашкам на кансолях, разьмяшчаецца лучковы аконны праём з кілепадобным франтонам. Карніз зь філёнговым фрызам падзяляе фасады на два паверхі. Роўніцу сьценаў паміж аконнымі праёмамі аздабляюць лапаткі.

Усярэдзіне цэнтральнага корпуса выкарыстоўваюцца крыжовыя і цыліндрычныя скляпеньні з падпружнымі аркамі. Калідорная сыстэма плянавання з аднабаковым разьмяшчэньнем клясаў^[1].

Галерэя

Гістарычныя здымкі

• Старыя здымкі, 1912 год
• 
• 
• 
• 
• 

Сучасныя здымкі

• Сучасны стан
• 
  2011 г.
• 
  2012 г.
• 
  2012 г.
• 
  2014 г.
• 
  2016 г.

Крыніцы

1. Пятросава А. Будынак мужчынскай гімназіі // Збор помнікаў гісторыі і культуры Беларусі. Магілёўская вобласць. — Менск, 1986. С. 303.

Літаратура

• Збор помнікаў гісторыі і культуры Беларусі. Магілёўская вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. Марцэлеў (гал. рэд.) і інш. — Менск: Беларус. Сав. Энцыклапедыя, 1986. — 408 с.: іл.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  513Г000509

• Гістарычная забудова Амсьціслава, Radzima.org