Беларускі гістарычны агляд

«Белару́скі гістары́чны агля́д» (Belarusian historical review) — навуковы часопіс, прысьвечаны дасьледаваньням гісторыі Беларусі й актуальнаму стану беларускай гістарыяграфіі.

Беларускі Гістарычны Агляд
Тэматыка	гісторыя, гістарыяграфія Беларусі
Пэрыядычнасьць	2 разы на год
Адрас	Менск, Вільня, Варшава
Заснавальнік	Генадзь Сагановіч
Выдавец	Эўрапейскі гуманітарны ўнівэрсытэт (2006—2019); Варшаўскі ўнівэрсытэт
Галоўны рэдактар	Генадзь Сагановіч
Дата заснаваньня	1994
Мова	беларуская
ISSN	1392-902X
Афіцыйны сайт	belhistory.eu

Рэдакцыя

Управа часопісу мае назву рэдакцыя, а яе асабовы склад наступны^[1]:

• Галоўны рэдактар — Генадзь Сагановіч
• Выканаўчы рэдактар — Яўген Кавальчук
• Вэб-рэдактар — Яна Макарэвіч

Часопіс мае раду з наступных асоб:

• Томас Бон (Унівэрсытэт Юстуса Лібіга, Гісэн, Нямеччына)
• Робжрт Фрост (Унівэрсытэт Абэрдэну, Вялікабрытанія, Шатляндыя)
• Анджэй Закшэўскі (Варшаўскі ўнівэрсытэт)
• Томаш Камусэла (Унівэрсытэт сьвятога Андрэя)
• Рыгор Лазько (Гомельскі дзяржаўны ўнівэрсытэт)
• Дэвід Марпльз (Унівэрсытэт Альбэрты, Канада)
• Дарота Міхалюк (Унівэрсытэт Мікалая Каперніка, м. Торунь, Польшча)
• Альвід Нікжантойць (Інстытут гісторыі Жэмойці)
• Сяргей Плахей (Гарвардзкі ўнівэрсытэт, ЗША)
• Рыгард Радзік (Акадэмія спэцыяльнае пэдагогікі імя М. Гжэгажэўскае, м. Варшава, Польшча)
• Ірына Раманава (Эўрапейскі гуманітарны ўнівэрсытэт)
• Анджэй Рахуба (Інстытут гісторыі ПАН)
• Штэфан Родэвальд (Унівэрсытэт Ляйпцыгу, Нямеччына)
• Алесь Смалянчук (Інстытат славістыкі ПАН)
• Натальля Якавенка (Кіева-Магілянская Акадэмія)

Гісторыя

Заснаваны ў 1994 годзе як незалежны навуковы часопіс. Пасьля 2006 году выдаваўся пры ЭГУ, ад 2019 г. — пры Цэнтры ўсходнеэўрапейскіх дасьледаваньняў Варшаўскага ўнівэрсытэту. Часопіс публікуе артыкулы, агляды, рэцэнзіі, архіўныя матэрыялы, а таксама інфармацыйныя зацемкі па беларускай і ўсходнеэўрапейскай гісторыі без храналягічных абмежаваньняў.

Зьмест

Публікацыі прысьвечаныя палітычнай і ваеннай гісторыі Беларусі эпохі фэадалізму, а таксама 19—20 стст., пытаньням гісторыі культуры й рэлігіі, гістарыяграфіі Гісторыі Беларусі, мэтадалягічным праблемам гістарычнай навукі. Асноўныя рубрыкі: «Артыкулы», «Паведамленьні», «Новыя пэрспэктывы», «Пераклады», «Архіваліі», «Гісторыя і гісторыкі», «Палеміка», «Новая літаратура: агляды і рэцэнзіі» і інш. Рэзюмэ на ангельскай, нямецкай мовах. Публікацыі носяць акадэмічны характар^[2].

Бібліятэка БГА

Кніжная сэрыя «Бібліятэка БГА» была заснавана ў 1999 годзе. Спэцыялізуецца на выданьні актуальных гістарычных дасьледаваньняў, твораў замежнай беларусікі, а таксама на публікацыі гістарычных крыніц (дакумэнтаў, успамінаў і інш.)^[3].

Былі выдадзеныя з 1999 году наступныя кніоі ў сэрыі «Бібліятэка Беларускага гістрычнага агляду»:

1. Франц Кушаль. Спробы стварэньня Беларускага войска. Менск, 1999.
2. Сымон Кандыбовіч. Разгром нацыянальнага руху ў Беларусі. Мінск, 2000.
3. Алесь Белы. Хроніка „Белай Русі“. Нарыс гісторыі адной геаграфічнай назвы. Мінск, 2000.
4. Людміла Хмяльніцкая. Гісторык з Віцебска (жыццяпіс Аляксея Сапунова). Мінск: Энцыклапедыкс, 2001.
5. Лявон Юрэвіч. Вырваныя бачыны: да гісторыі Саюзу Беларускай Моладзі. Мінск: Энцыклапедыкс, 2001.
6. Слуцкі збройны чын 1920 г. у дакумэнтах і ўспамінах. Мінск: Медысонт, 2001 (2 выд. – 2006).
7. Мікола Панькоў. Хроніка беларускага жыцьця на чужыне (1945–1984). Мінск, 2001.
8. Юры Туронак. Беларуская кніга пад нямецкім кантролем (1939–1944). Мінск, 2002.
9. Вітаўт Тумаш. Выбраныя працы. Мінск, 2002.
10. Лявон Юрэвіч. Літаратурны рух на эміграцыі. Мінск, 2002.
11. Юліуш Бардах. Штудыі з гісторыі Вялікага Княства Літоўскага / пер. з польскай мовы М. Раманоўскага. Мінск, 2002. (2 папр. выд. – 2010).
12. Райнэр Лінднэр. Гісторыкі і ўлада: нацыятворчы працэс і гістарычная палітыка ў Беларусі ХІХ – ХХ ст. / пер. з нямецкай мовы Л. Баршчэўскага. Мінск: Медысонт, 2003. (2 выд. – 2005).
13. Бернгард К’яры. Штодзённасць за лініяй фронту: Акупацыя, калабарацыя і супраціў у Беларусі (1941–1944) / пер. з нямецкай мовы Л. Баршчэўскага. Мінск: Медысонт, 2005. (2 выд. – 2008).
14. Аляксандр Надсан. Pro patria aliena: Кляштар беларускіх айцоў марыянаў у Друі (1924–1938). Мінск, 2006.
15. Аляксандр Надсан. Княгіня Радзівіл і справа адраджэньня Уніі ў Беларусі. Мінск, 2006. (2 выд. — 2009).
16. Анджэй Рахуба. Вялікае Княства Літоўскае ў парламенцкай сістэме Рэчы Паспалітай 1569–1763 / пер. з польскай мовы М. Раманоўскага. Мінск: Медысонт, 2008.
17. Будучыня гісторыі: зборнік артыкулаў па сучаснай гістарыяграфіі. Мінск, 2008.
18. Мацей Мруз. Каталіцызм на паграніччы: Адносіны каталіцкай царквы да ўкраінскага і беларускага пытання ў Польшчы ў 1918–1925 г. / пер. з польскай мовы Я. Зялінскага. Мінск: Медысонт, 2008.
19. Марцэлі Косман. З гісторыі і культуры Вялікага Княства Літоўскага / пер. з польскай С. Ішчанкі і інш. Мінск: Медысонт, 2010.
20. Тымаці Снайдэр. Рэканструкцыя нацый: Польшча, Украіна, Літва і Беларусь 1569 – 1999 / пер. з англійскай мовы М. Раманоўскага і В. Калацкай. Мінск: Медысонт, 2010.
21. Юры Туронак. За кардонам Бацькаўшчыны. Успаміны. Мінск: Медысонт, 2010.
22. Анджэй Валіцкі. Нацыя, нацыяналізм, патрыятызм / уступ А. Мэнцвэль; пераклад з польскай мовы А. Ластоўскага; навук. рэдактар Г. Сагановіч. Мінск: Медысонт, 2012.
23. Дзмітры Сямёнаў. Дзённік. 1943–1947. Мінск: Медысонт, 2012.
24. Рышард Радзік. Вытокі сучаснай беларускасці. Беларусы на фоне нацыятворчых працэсаў у Цэнтральна-Усходняй Еўропе ХІХ ст. / пер. з польскай Н. Дзенісюк ; навук. рэд. С. Рудовіч ; С. Токць. Мінск: Медысонт, 2012 (2 выд. – 2014).
25. Тымаці Снайдэр. Крывавыя землі. Еўропа паміж Гітлерам і Сталіным / пераклад з англ. С. Петрыкевіча ; навук. рэд. Г. Сагановіч, У. Калаткоў. Мінск: Медысонт, 2013.
26. Томас Бон. «Мінскі феномен». Гарадское планаванне і ўрбанізацыя ў Савецкім Саюзе пасля 1945 г. / пераклад з нямецкай Марыі Рытановіч; нав. рэдактар Г. Сагановіч. Мінск: Зміцер Колас, 2016.
27. Генадзь Сагановіч. Грунвальд у беларускай гісторыі: спроба разбору палітычнага міфа. Мінск: Медысонт, 2015.
28. Алена Маркава. Шлях да савецкай нацыі: Палітыка беларусізацыі (1924–1929). Мінск: Галіяфы, 2016.
29. Рышард Радзік. Вакол ідэнтычнасці беларусаў / пераклад з польскай С. Петрыкевіча; навук. рэдактар Г. Сагановіч. Мінск: Лімарыус, 2017.
30. Штэфан Родэвальд. «Пра Полацкую Венецыю». Калектыўныя дзеянні сацыяльных груп горада паміж Усходняй і Цэнтральнай Еўропай (Сярэднявечча, ранні Новы час, XIX ст. ― да 1914 г.) / пераклад з нямецкай М. Патоцкага, С. Паўлавіцкага, Г. Скакун; навук. рэдактар Г. Сагановіч. Мінск: Лімарыус, 2020.

Крыніцы

1. Управа часопісу
2. Галоўная старонка БГА. Беларускі Гістарычны Агляд.
3. Бібліятэка БГА. Беларускі Гістарычны Агляд.

Літаратура

• «Беларускі Гістарычны Агляд». // Беларуская энцыклапедыя: У 18 т.. — Мн.: 1996 Т. 2: Аршыца — Беларусцы. — С. 438.
• «Беларускі Гістарычны Агляд». // Культура Беларусі: энцыклапедыя / рэдкал.: Т. Бялова (гал. рэд.) [і інш.]. — Менск: Беларус. Энцыкл. імя П. Броўкі, 2010. — Т. 1. — 704с.:іл. с. — 3000 ас. — ISBN 978-985-11-0496-9 — С. 592.

Вонкавыя старонкі

• Беларускі Гістарычны Агляд Беларуская Інтэрнэт-Бібліятэка. Kamunikat.org.
• Архіў нумароў БГА Беларускі Гістарычны Агляд