Амбаса́да Ўкраі́ны ў Рэспу́бліцы Белару́сь — дыпляматычная місія Ўкраіны ў Рэспубліцы Беларусь, знаходзіцца ў Менску па адрасе вул. Старавіленская, 51.
Задачы амбасады
Асноўнай задачай Амбасады Ўкраіны ў Рэспубліцы Беларусь ёсьць прадстаўленьне інтарэсаў Украіны, судзейнічаньне разьвіцьцю міждзяржаўных палітычных, эканамічных, культурных, навуковых і іншых сувязяў, а таксама абарона правоў і інтарэсаў грамадзянаў і юрыдычных асобаў Украіны, якія знаходзяцца на тэрыторыі Рэспублікі Беларусь.
Амбасада спрыяе разьвіцьцю добрасуседзкіх стасункаў паміж Украінай і Беларусьсю на ўсіх узроўнях, з мэтай забесьпячэньня гарманічнага разьвіцьця ўзаемінаў, а таксама супрацоўніцтва па пытаньнях, што ўяўляюць узаемную зацікаўленасьць. Амбасада выконвае таксама консульскія функцыі.
Гісторыя дыпляматычных стасункаў
Дыпляматычныя стасункі паміж Украінай і Беларусяй устаноўленыя 27 сьнежня 1991. Амбасада Ўкраіны ў Рэспубліцы Беларусь была адчыненая 30 чэрвеня 1992 року. Доўгі час занялі выбар і выдзяленьне зямлі пад амбасаду, а таксама ўласна будаўнічыя работы па ўзьвядзеньні ейнага будынку.
Будынак амбасады ўрачыста адкрыты 1 сьнежня 2000 (у 9-ю гадавіну Ўсеўкраінскага рэфэрэндуму) з удзелам прэзыдэнта Ўкраіны Леаніда Кучмы, прэм’ер-міністра Ўкраіны Віктара Юшчанкі, міністра замежных справаў Украіны Анатоля Зьленкі, а таксама прэм’ер-міністра Рэспублікі Беларусь Уладзімера Ярмошына і міністра замежных справаў Рэспублікі Беларусь Міхаіла Хвастова.
Амбасадары
- Уладзімер Жаліба (1992—1998)
- Анатоль Дронь (1998—2003)
- Пётар Шапавал(uk) (2003—2005)
- Валянцін Налівайчанка[прыбраць шаблён] (2005—2006)
- Ігар Ліхавы (2006—2010)
- Раман Бясьсьмертны (2010—2011)
- Віктар Ціханаў (2011—2012)
- Віктар Якубаў (2012—2013) ч. п.
- Міхаіл Ежэль (2013—2015)
- Валеры Джыгун (2015—2017) ч.п.
- Ігар Кізім (2017—2023)
Разьмяшчэньне
Амбасада Ўкраіны знаходзіцца па адрасе Менск, вул. Старавіленская, 51. Генэральнае консульства Ўкраіны знаходзіцца па адрасе Берасьце, вул. Вароўскага, 19.
Глядзіце таксама
Вонкавыя спасылкі
- Афіцыйная бачына амбасады (укр.) (рас.)
- Афіцыйная бачына генэральнага консульства (укр.) (рас.)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
