Акулы

Аку́лы (па-лацінску: Selachimorpha) — надатрад храстковых рыбаў, які ўключае восем атрадаў, дваццаць сямействаў і каля 350 відаў. Акулы маюць ад 5 да 7 жаберных шчылінаў па баках галавы й грудныя плаўнікі, якія ня зьлітыя з галавой. Сучасныя акулы належаць да асобнага падатраду, у той час як скаты зьяўляюцца іхнымі блізкімі сваякамі. У адпаведнасьці з шырокім вызначэньнем акулаў, самыя раньнія зь іх існуюць больш за 420 мільёнаў гадоў^[1].

Акулы
Шэрая рыфавая акула
Клясыфікацыя
Надцарства	Эўкарыёты
Царства	Жывёлы
Падцарства	Эўмэтазоі
Падразьдзел	Другаснаротыя
Тып	Хордавыя
Падтып	Хрыбетныя
Надкляса	Чатырохногія
Кляса	Храстковыя рыбы
Надатрад	Акулы
Бінамінальная намэнклятура
Selachimorpha
Акулы на Віківідах  Акулы ў Вікісховішчы ITIS 563987 · NCBI 119203

Яны значна вар’ююцца паводле памераў, ад маленькага Etmopterus perryi, глыбокаводнага віду, які мае даўжыню ўсяго толькі ў 17 сантымэтраў, да кітовай акулы, найбуйнейшай рыбы ў сьвеце, чые памеры дасягаюць каля 12 мэтраў. Прадстаўнікі надатраду шырока распаўсюджаныя ва ўсіх марах і акіянах. Як правіла акулы не жывуць у прэснай вадзе, хоць ёсьць некалькі вядомых выключэньняў, як то акула-бык і рачныя акулы, якія здольныя да жыцьця як ў марской, гэтак і ў прэснай вадзе^[2]. Большасьць відаў адносіцца да гэтак званых сапраўдных драпежнікаў, асобныя віды (у прыватнасьці, кітовая й гіганцкая акулы) харчуюцца плянктонам.

Многія папуляцыі акул знаходзяцца пад пагрозай выміраньня ў выніку дзейнасьці чалавека.

Клясыфікацыя

• Orectolobiformes (напрыклад, Зебравая акула, Акула-нянька)
• Carcharhiniformes (напрыклад, Шэрыя акулы)
• Squaliformes
• Lamniformes (напрыклад, Акула-дамавік, Марская лісіца звычайная)
• Hexanchiformes (напрыклад, Попельная сямішчэлепавая акула)
• Pristiophoriformes
• Heterodontiformes
• Squatiniformes
• † Xenacanthida
• † Symmoriida
• † Cladoselachiformes
• † Eugeneodontida