Nine Inch Nails

Nine Inch Nails (Найн Інч Нэйлз) — амэрыканскі індастрыял-гурт, заснаваны Трэнтам Рэзнарам у 1988 годзе ў горадзе Кліўлэнд, штат Агаё. Як асноўны прадусар, сьпявак, аўтар тэкстаў і музыкі, Рэзнар зьяўляецца адзіным афіцыйным удзельнікам гурта і нясе аднаасобную адказнасьць за ягонае разьвіцьцё. Музыка NIN ахоплівае вялікую колькасьць жанраў, захоўваючы характэрнае гучаньне, якое дасягаецца выкарыстаньнем электронных інструмэнтаў і сродкаў апрацоўкі гуку. Пасьля запісу чарговага альбома Рэзнар, як правіла, запрашае музыкаў, зь якімі адпраўляецца ў турнэ ў падтрымку дыска. Гэты канцэртны склад існуе асобна ад Nine Inch Nails у студыі. На сцэне NIN часта выкарыстоўваюць для суправаджэньня сваіх выступленьняў эфэктныя візуальныя элемэнты, часта дасягаючыя апагею ў зьнішчэньні музыкамі сваіх інструмэнтаў. Прыхільнікі андэграўнднай музыкі цёпла сустрэлі NIN у іхнія раньнія гады. У 1990-я гады гурт выпусьціў некалькі значных запісаў, якія дасягнулі шырокай папулярнасьці: шматлікія песьні NIN сталі гітамі на радыё, два запісы выйгралі Грэмі, і гурт прадаў больш за 20 млн альбомаў у сьвеце і 10 млн у ЗША. У 1996 годзе выходзіць гульня Quake, музыку да якой напісаў Трэнт Рэзнар. У 2004-ым годзе часопіс «Rolling Stone» разьмясьціў NIN на 94 месца ў сваім сьпісе 100 найвялікшых рок-музыкаў усіх часоў. Нягледзячы на гэты цёплы прыём, у гурта было некалькі канфліктаў з гукапіснай індустрыяй. У 2007 годзе Трэнт Рэзнар заявіў, што NIN будзе далей разьвівацца незалежна ад гукапісных лэйблаў. У мінулым NIN рэдка выпускалі вялікія студыйныя альбомы; рэміксы і канцэртныя альбомы запаўнялі гэтыя хібы ў каталёгу гурта. Рэзнар спасылаецца на свае асабістыя праблемы як на прычыну гэтых паўзаў; ў сваіх песнях ён часта дасьледвае змрочныя бакі свайго «Я». З 1989 году, Nine Inch Nails зрабілі 8 буйных студыйных рэлізаў. Самыя апошнія рэлізы, Ghosts I–IV і The Slip, выдадзеныя ў 2008, выйшлі пад ліцэнзіяй Creative Commons. Абое спачатку былі выдадзеныя лічбова, а потым пасьледаваў фізычны рэліз. Лічбовы рэліз The Slip быў даступны цалкам задарма. NIN былі намінаваны на 12 узнагарод Грэмі і выйгралі дзьве зь іх за песьні "Wish" і "Happiness in Slavery" у 1992 і 1995 адпаведна.

Nine Inch Nails
NIN у Мюнхэну. 2007 год.»
Гады	1988 — цяпер
Краіна	ЗША
Месца ўтварэньня	Кліўлэнд, штат Агаё, ЗША
Мова	ангельская
Жанр	Індастрыял-рок
Выдавец	The Null Corporation Nothing Records Interscope Records Island Records TVT Records Rykodisc
Удзельнікі	Трэнт Рэзнар
Узнагароды і прэміі	Прэмія «Грэмі» за найлепшае мэтал-выкананьне[d] (1992) Прэмія «Грэмі» за найлепшае мэтал-выкананьне[d] (1995) Заля славы рок-н-ролу (2020)
www.nin.com

Дыскаграфія

Асноўныя альбомы: Pretty Hate Machine (1989) Broken (Міні-альбом) (1992) The Downward Spiral (1994) The Fragile (1999) With Teeth (2005) Year Zero (2007) Ghosts I–IV (2008) The Slip (2008) The Hesitation Marks (2013) Not the Actual Events (Міні-альбом) (2016) Add Violence (Міні-альбом) (2017) Bad Witch (2018) Ghosts V: Together (2020) Ghosts VI: Locusts (2020)

Альбомы рэміксаў: Fixed (Міні-альбом) (1992) Further Down the Spiral (1995) Things Falling Apart (2000) Year Zero Remixed (2007)

Канцэртныя запісы: Closure (1997) And All That Could Have Been (2002) Beside You in Time (2007)

Вонкавыя спасылкі

• Афіцыйная старонка гурта
• Афіцыйная старонка на Youtube