Сэнт-Олбанз

Сэнт-Олбанз (па-ангельску: St Albans) — горад у Вялікабрытаніі, які месьціцца ў графстве Гэртфардшыр у паўднёва-ўсходняй частцы Ангельшчыны. Месца пралягае на адлегласьці 31 км на поўнач ад цэнтральнай частцы Лёндану. Гэта быў першы буйны горад на старой рымскай дарозе Ўотлінг-стрыт для падарожнікаў, якія едуць на поўнач.

Сэнт-Олбанз
анг. St Albans
Катэдрыльны сабор Сэнт-Олбанзу
Герб Сэнт-Олбанзу
Краіна:	Вялікабрытанія
Графства:	Гэртфардшыр
Плошча:	18,1 км²
Насельніцтва (2011)
колькасьць:	57 795 чал.
шчыльнасьць:	3193,09 чал./км²
Часавы пас:	UTC+0
летні час:	UTC+1
Тэлефонны код:	+01 727
Геаграфічныя каардынаты:	51°45′18″ пн. ш. 0°20′10″ з. д.
Сэнт-Олбанз на мапе Вялікабрытаніі Сэнт-Олбанз
Галерэя здымкаў у Вікісховішчы
stalbans.gov.uk

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сэнт-Олбанз (неадназначнасьць).

Гісторыя

Тэрыторыю сучаснага гораду раней насялялі кельцкія плямёны. Рымскі горад Вэруляміюм, другі па велічыні горад у Рымскай Брытаніі пасьля Ляндыніюма (сучасны Лёндан), быў пабудаваны побач з сучасным горадам у даліне ракі Вэр. Пасьля сыходу рымлянаў горад знаходзіўся ў складзе Мэрсіі.

Сярэднявечны горад вырас на ўзгорку на ўсход ад бэнэдыктанскага абацтва Сэнт-Олбанз. У гэтым месцы, паводле легендаў, быў забіты першы брытанскі хрысьціянскі пакутнік Сьвяты Олбан да 324 году. Менавіта ў Сэнт-Олбанзе месьцілася галоўнае абацтва ў Ангельшчыне.

У царкве Сьв. Міхаіла знаходзяцца помнік і магіла знакамітага Фрэнсіса Бэкана, які меў тытул барона Вэруламскага і віконта Сэнт-Олбанза.

Транспарт

Горад мае дзьве чыгуначныя станцыі.

Культура

Сэнт-Олбанз мае насычанае культурнае жыцьцё, у месцы рэгулярна праводзяцца опэрныя канцэртамі і ладзяцца тэатральныя пастаноўкі.

Вонкавыя спасылкі

• Афіцыйны сайт
• Сэнт-Олбанз(недаступная спасылка) на сайце Domesday Book
• Музэі гораду