возера ў Беларусі і Латвіі From Wikipedia, the free encyclopedia
Ры́чы (таксама: Рыча, Рычу, па-латыску: Riču ці Riča ezers) — праточнае возера ў Браслаўскім раёне Беларусі й Дзьвінскім краі Латвіі. Знаходзіцца ў басэйне ракі Дрысьвяты.
Возера
Рычы
Рычы на мапе Беларусі ![]() ![]() Рычы | ||||||||||||||||||||||
![]() |
Плошча возера — 12,83 км²; сярэдняя глыбіня — 9,7 м; найбольшая глыбіня — 51,9 м.[1]; даўжыня — 6,27 км; найбольшая шырыня — 3,73 км; даўжыня берагавой лініі — 33,4 км; аб’ём вады — 131 млн м³; плошча вадазбору — 123 км². Возера Рычы — другое па глыбіні ў Беларусі пасьля Доўгага возера ў Глыбоцкім раёне і чацьвертае па глыбіні ў Латвіі.
Схілы катлавіны вышынёй 10—20 м, а на ўсходзе — ад 30 да 40 м, парослыя хмызьняком і лесам. Берагі возера ў асноўным высокія, пясчаныя. Глыбакаводныя ўпадзіны чаргуюцца зь мелямі. У залівах дно адносна плоскае, глыбіня роўная 10—15 м. На возеры маюцца 5 выспаў агульнай плошчай 5,7 га. Мелкаводзьдзе пясчанае й пясчана-галечнае, на ўсходзе пад валунамі. Астатняя частка ложа сапрапелістая, месцамі ілістая. Шырыня калябярэжнай паласы расьліннасьці — ад 5 да 50 м. Да глыбіні 9 м растуць імхі. Рычы напаўняецца вадой з ручаёў, а з самога возера выцякае рака Рычанка. У іхтыяфаўне сустракаецца болей за 20 відаў рыбы. Таксама ў возеры жывуць рэлікты ледавіковага пэрыяду (лімнакалянус, понтапарэя, бакаплаў Паласа), занесеныя ў беларускае выданьне Чырвонай кнігі.
3 1979 году возера й навакольная тэрыторыя абвешчаны гідралягічным заказнікам, які дасюль функцыянуе ў абедзьвюх прылеглых краінах.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.