Ракітнае (Ровенская вобласьць)

Ракітнае (па-ўкраінску: Рокитне) — колішняе места^[1], цяпер мястэчка ў Ровенскай вобласьці Ўкраіны, на рацэ Бунеў. Адміністрацыйны цэнтар Ракітнаўскага раёну. Насельніцтва 12 179 чал. (2001).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ракітнае.

Ракітнае
укр. Рокитне
Файл:Rokytne riv smt prapor.png, Rokytne flag.svg Герб Ракітнага Сьцяг Ракітнага
Дата заснаваньня:	1888
Краіна:	Украіна
Вобласьць:	Ровенская
Раён:	Ракітнаўскі
Плошча:	5,52 км²
Вышыня:	179 м н. у. м.
Часавы пас:	UTC+2
летні час:	UTC+3
Паштовы індэкс:	34200
КОАТУУ:	5625055100
Геаграфічныя каардынаты:	51°17′14″ пн. ш. 27°12′37″ у. д.
Ракітнае на мапе Ўкраіны Ракітнае
Галерэя здымкаў у Вікісховішчы
http://gska2.rada.gov.ua/pls/z7502/A005?rdat1=21.07.2008&rf7571=28293

Знаходзіцца за 95 км ад Роўна. Чыгуначная станцыя Ракітнае-Валынскае на лініі Сарны — Карасьцень.

Гісторыя

• 1888: заснаваньне паселішча Ахотнікава. Назва паходзіла ад прозьвішча ўладальніка зямлі, у якога бэльгіец Розэнбэрг набыў невялікую дзялянку кварцавых пяскоў і збудаваў тамака гуту.
• 1900: празь сяло прайшла чыгунка Кіеў — Ковель.
• пач. XX ст.: у складзе Кісорыцкай воласьці Оўруцкага павету Валынскай губэрні.
• 1921: згодна з Рыскай мірнай дамовай увайшло ў склад міжваеннай Польскай Рэспублікі, у Сарненскім павеце Валынскага ваяводзтва.
• 1922: назву паселішча зьмянілі на Ракітнае.
• 15 красавіка 1927: атрымала статус места.
• 1939: у складзе Ўкраінскай ССР.
• 1940: цэнтар раёну.
• 1986: мястэчка пацярпела ад катастрофы на Чарнобыльскай АЭС.

Эканоміка

Станам на сьнежань 2002 року ў мястэчку працавала 5 прамысловых прадпрыемстваў, 3 будаўнічыя арганізацыі, 3 сельскагаспадарчыя, 2 аўтатранспартныя, 2 прадпрыемствы зьвязку, 2 камунальныя і іншыя.

Прыярытэтная галіна прамысловасьці — шкляная. ААТ «Ракітнаўскі шкляны завод» уваходзіць у лік прадпрыемстваў, вядомых за межамі Ўкраіны.

Вядомыя ўраджэнцы

• Ніна Смык (нар. 1947) — украінская пісьменьніца.

Крыніцы

1. Rozporządzenie Rady Ministrów z dnia 1 kwietnia 1927 r. o zaliczeniu osady Rokitno w powiecie sarneńskiem, województwie poleskiem, w poczet miast, Dz. U. Nr 36, poz. 320

Літаратура

• Барыс Тумар. Беларуская Ўскраіна // Наша Ніва № 43 (200), 23—30 кастрычніка 2000