Радавін

Радаві́н (Радзівін), Радвін — мужчынскае імя і вытворнае ад яго прозьвішча.

Radowin
Паходжаньне
Мова(-ы)	германскія
Утворанае ад	Rado + Wino
Іншыя формы
Варыянт(ы)	Радзівін, Радвін
Зьвязаныя імёны	Winirad
Зьвязаныя артыкулы
якія пачынаюцца з «Радавін»

Паходжаньне

Асноўны артыкул: Імёны ліцьвінаў

Радавін, Радвін або Ратвін (Radowin, Radwin, Ratwin) і Вінірад (Winirad) — імёны германскага паходжаньня^[1]. Іменная аснова -рад- (-рат-) (імёны ліцьвінаў Радзівіл, Раталт, Конрад; германскія імёны Ratwilius, Ratolt, Konrad) паходзіць ад гоцкага *rêþs^[2], германскага rad- 'рада'^[3], а аснова -він- (імёны ліцьвінаў Бутвін, Людвін, Монтвін; германскія імёны Butwin, Liuduin, Mondawin) — ад гоцкага wins 'сябар'^[4].

У Прусіі бытавала імя Radwen^[5].

У Польшчы ў 1557 годзе і XVII ст. адзначалася прозьвішча Radziwin (Radivinus)^[6].

Варыянты імя ў гістарычных крыніцах: села Радвиновичовъ (1554 год)^[7]; у того екстракту, при печати притисненой, подписъ рукъ тыми словы: Въ небытности пана Себастіана Корижни, писара кгродского Виленского, Станиславъ Бартломеевичъ Радвинъ Ивановичъ (22 сьнежня 1580 году)^[8]; Село Борки. <…> Радовинъ Телятиновичъ отчичь волока, сыны его два Миколай и Якубъ (26 кастрычніка 1609 году)^[9]; Andrzey y Michał Radziwinowiczowie zachoże stolarze (1738 год)^[10].

Носьбіты

• Станіслаў Бартламеевіч Радвін Івановіч — віленскі шляхціч, які ўпамінаецца ў 1580 годзе
• Юры Міхайлавіч Радвіновіч — расенскі зямянін, які ўпамінаецца ў 1597 годзе^[11]
• Ян, Фядора, Мацей, Міхал, Каця і Ганна Радвіны — жыхары вёскі Жардэляў (Ашмянскі павет), якія ўпамінаюцца ў 1809 годзе^[12]

Радзівіновічы — літоўскі шляхецкі род^[13].

На 1905 год існаваў фальварак Ратвіншчына ў Пружанскім павеце Гарадзенскай губэрні^[14].

На 1910 год існавала лясная вартоўня Радвіна ў Гомельскім павеце Магілёўскай губэрні^[15].

Глядзіце таксама

• Рад
• Віна

Крыніцы

1. Förstemann E. W. Altdeutsches Namenbuch. Bd. 1: Personennamen. — Bonn, 1900. S. 1219, 1616.
2. Kremer D. Die Germanischen Personennamen in Katalonien // Estudis romànics. Nr. 14, 1972. S. 193.
3. Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 18.
4. Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 17.
5. Trautmann R. Die altpreußischen Personennamen. — Göttingen, 1925. S. 81.
6. Antroponimia Polski od XVI do końca XVIII wieku. T. 4: Pl—St. — Kraków, 2013. S. 199.
7. Археографический сборник документов, относящихся к истории Северо-западной Руси. Т. 8. — Вильна, 1870. С. 41.
8. Акты издаваемые Виленской археографической комиссией. Т. 5. — Вильна, 1871. С. 137.
9. Археографический сборник документов, относящийся к истории Северо-Западной Руси. Т. 1. — Вильна, 1867. С. 240.
10. Историко-юридические материалы, извлеченные из актовых книг губерний Витебской и Могилевской, хранящихся в Центральном архиве в Витебске. Вып. 27. — Витебск, 1898. С. 169.
11. Опись документов Виленского центрального архива древних актовых книг. Вып. 4. ― Вильна, 1905. С. 263.
12. Яўген Анішчанка, Жордели инвентарь 1809 в Ошмянском повете пана Т. Гана, Архіў гісторыка Анішчанкі, 27 красавіка 2019 г.
13. Сьпіс шляхецкіх родаў, прозьвішчы якіх пачынаюцца на Р, Згуртаваньне беларускай шляхты
14. Указатель населенным местностям Гродненской губернии, с относящимися к ним необходимыми сведениями. — Гродна, 1905. С. 124.
15. Список населенных мест Могилевской губернии. — Могилев, 1910. С. 43.