Міністэрства ўнутраных справаў Рэспублікі Беларусь
орган дзяржаўнай улады Беларусі / From Wikipedia, the free encyclopedia
Міністэ́рства ўну́траных спра́ваў Рэспу́блікі Белару́сь — ведамства ўраду Беларусі, упаўнаважанае ажыцьцяўляць змаганьне супраць злачыннасьці, ахову грамадзкага парадку й забесьпячэньне грамадзкай бясьпекі. Міністар унутраных справаў ды яго намесьнікі прызначаюцца й здымаюцца з пасадаў прэзыдэнтам. З 2020 году пасаду міністра займае Іван Кубракоў.
Міністэрства ўнутраных справаў Рэспублікі Беларусь | |
Абрэвіятура | МУС Беларусі |
---|---|
Дата ўтварэньня | 25 жніўня 1991 (32 гады таму) |
Мэта | забесьпячэньне грамадзкай бясьпекі |
Штаб-кватэра | Менск, вул. Гарадзкі вал, д. 2 |
Міністар | Іван Кубракоў |
Першы намесьнік міністра — начальнік крымінальнай міліцыі | Генадзь Казакевіч |
Намесьнік міністра — начальнік міліцыі грамадзкай бясьпекі | Аляксандар Барсукоў(ru) |
Намесьнік міністра — камандуючы ўнутранымі войскамі | Юры Назаранка[1] |
Кіроўны орган | Калегія |
Бюджэт | 952,9 млрд рублёў[2] (2009; 339,9 млн $[3]) |
Сайт | mvd.gov.by |
Прэзыдэнтам таксама ўхваляецца склад калегіі міністэрства з удзелам міністра, ягоных 5 намесьнікаў[4] ды начальнікаў дэпартамэнтаў МУС, а таксама намесьніка дзяржаўнага сакратара Рады Бясьпекі Рэспублікі Беларусь. Пасяджэньні калегіі праводзяцца прынамсі раз у тры месяцы ды зьяўляюцца правамоцнымі пры наяўнасьці дзьвюх трацінаў чальцоў. Рашэньні ўхваляюцца простаю большасьцю галасоў ды ажыцьцяўляюцца загадамі й пастановамі міністэрства.