Карабах Агдам

«Карабах» (па-азэрбайджанску: Qarabağ) — азэрбайджанскі футбольны клюб з гораду Агдаму. Заснаваны ў 1951 годзе. 11-разовы чэмпіён Азэрбайджану (1993, 2014, 2015, 2016, 2017, 2018, 2019, 2020, 2022, 2023, 2024) і васьміразовы ўладальнік Кубка Азэрбайджану (1993, 2006, 2009, 2015, 2016, 2017, 2022, 2024).

Карабах
Поўная назва	па-азэрбайджанску: Qarabağ Futbol Klubu
Заснаваны	1951
Горад	Агдам, Азэрбайджан
Стадыён	імя Тофіка Бахрамава Умяшчальнасьць: 31 200
Прэзыдэнт	Тахір Гэзал[d]
Кіраўнік	Azərsun Holdinq[d]
Чэмпіянат	Прэм’ер-ліга
· 2023—2024	1 месца
Галерэя здымкаў у Вікісховішчы Афіцыйны сайт

«Карабах» быў першым клюбам, які выйграў Кубак Азэрбайджану і не разьмяшчаўся ў Баку. Адзін з самых пасьпяховых азэрбайджанскіх клюбаў, якія выступалі ў эўрапейскіх спаборніцтвах (3 перамогі адна за адной). Дабраліся да плэй-офф Лігі Эўропы ў 2009 ды 2010 гадох. Адзін з трох клюбаў, якія ўдзельнічалі ва ўсіх розыгрышах азэрбайджанскай прэм’ер-лігі (разам з «Нэфтчы»).

Гісторыя

Клюб створаны ў 1951 пасьля пабудовы гарадзкога стадыёну ў Агдаме. Шмат працы было зроблена для стварэньня прафэсійнай каманды. Першапачатковая назва была «Мэхшул». Упершыню клюб прыняў удзел у чэмпіянаце Азэрбайджану ў 1966 годзе. У 1993 годзе падчас Нагорна-Карабаскай вайны горад быў заняты Армэніяй, а клюб быў эвакуяваны ў Баку. Галоўны трэнер клюбу Алавэрдзі Багіраў загінуў у гэтай вайне. У 2001 годзе клюб пачаў атрымліваць спонсарскую падтрымку самага буйнога холдынгу Азэрбайджану Azersun Holding.

У 2008 годзе былая зорка азэрбайджанскага футболу Гурбан Гурбанаў быў прызначаны галоўны трэнэрам пасьля нечаканага сыходу Расіма Кары ў ленкаранскі «Хазар» за тыдзень да пачатку сэзону 2008—2009 гадоў. Ачоленыя Гурбанам Гурбанавым, «Карабах» адмовіўся ад звыклай на той час азэрбайджанскай стратэгіі, якая палягала на прыцягненьне замежнікаў у каманду, і пераключыўся на карысьць выхаваньня мясцовых талентаў^[1]. Гурбанаў спрабаваў укараніць стыль гульні вядомы як тыкі-така, які характарызуецца кароткімі перадачамі, працяглымі пэрыядамі падрыхтоўкі нападу і гульцамі, якія мяняюцца пазыцыямі^[2]. Пры Гурбанаве «Карабах» стаў адным з самых пасьпяховых азэрбайджанскіх футбольных клубаў у Эўропе. Гэтак у розыгрышы Лігі Эўропы 2009—2010 гадоў «Карабах» спачатку выгуляў у нарвэскага «Русэнборгу», а потым выбіў з турніру фінскую «Хонкі», толькі ў раўндзе плэй-оф азэрбайджанскі атрымалі паразу ад нідэрляндзкага «Твэнтэ» і скончылі свой эўрапейскі шлях у тым сэзоне. У наступным сэзонах «Карабах» зноў браў удзел у Лізе Эўропы і спыняўся ў тым жа раўндзе.

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Шагрудын Магамэдаліеў 1994 2 Аб Матэўс Сылва 1997 6 ПА Жулію Раман 1998 7 ПА Ясін Бэнзья 1994 8 ПА Марка Янкавіч 1995 10 Нап Абдэля Зубір 1991 11 Нап Эмануэль Адаі 2001 12 Бр Садык Мамадзада 2006 13 Аб Баглул Мустафазадэ 1997 15 Нап Леандру Андрадзі 1999 18 Нап Жуніньню 1996 19 Нап Рэдон Джыджа 1998 20 ПА Рычард Алмэйда 1989 21 Нап Аляксей Кашчук 2000

№ Пазыцыя Імя Год нараджэньня 22 Нап Муса Гурбанлы 2002 24 ПА Аляксей Ісаеў 1995 27 Аб Турал Байрамаў 2001 29 Аб Марка Вэшавіч 1991 30 Аб Абас Гусэйнаў 1995 44 Аб Элвін Джафаргуліеў 2000 55 Аб Бадаві Гусэйнаў (капітан) 1991 66 ПА Патрык Андрадзі 1993 81 Аб Кевін Мэдына 1993 89 Бр Амін Рамазанаў 2003 90 Нап Нарыман Ахундзадэ 2004 97 Бр Фабіян Бунтыч 1997 99 Бр Матэвуш Кахальскі 2000

Крыніцы

1. Ibrahimov, Erkin (27.07.2011). «Qarabağ back and hoping for more». UEFA.
2. Atayev, Oqtay (31.07.2014). «Who are Qarabağ FK?». UEFA.

Вонкавыя спасылкі

• Афіцыйны сайт