Баку

Баку́ (па-азэрбайджанску: Bakı) — сталіца і найбуйнейшы горад Азэрбайджану. Насельніцтва складае крыху больш за 2 мільёны жыхароў (2012 год), такім чынам Баку зьяўляецца самым вялікім паводле колькасьці насельніцтва горадам на беразе Касьпійскага мора і на Каўказе. Баку разьмешчаны на 28 мэтраў ніжэй за ўзровень мора, што робіць яго самай нізкай сталіцай у сьвеце, а таксама самым вялікім горадам у сьвеце, які разьмешчаны ніжэй за ўзровень мора. Афіцыйна, каля 25 адсоткаў усіх жыхароў краіны жывуць у сталічным рэгіёне Баку. Баку падзелена на адзінаццаць адміністрацыйных акругаў і 48 воласьцяў. Сярод іх мястэчкі на астравох у Бакінскай бухце і горад Нэфт-Дашлары, які пабудаваны ў Касьпійскім моры.

Баку
азэрб. Bakı
Герб Баку Сьцяг Баку
Дата заснаваньня:	I стагодзьдзе
Краіна:	Азэрбайджан
Кіраўнік:	Эльдар Азізаў[d]
Плошча:	2130 км²
Вышыня:	-28 м н. у. м.
Насельніцтва (2012)
колькасьць:	2 122 300 чал.
шчыльнасьць:	996,38 чал./км²
Часавы пас:	UTC+4
летні час:	UTC+5
Тэлефонны код:	12
Паштовы індэкс:	AZ1000
Нумарны знак:	10, 90, 99
Геаграфічныя каардынаты:	40°21′59.96″ пн. ш. 49°50′6.66″ у. д.
Баку на мапе Азэрбайджану Баку
Галерэя здымкаў у Вікісховішчы
http://www.baku-ih.gov.az/

Горад зьяўляецца навуковым, культурным і прамысловым цэнтрам Азэрбайджану. Шматлікія значныя азэрбайджанскія ўстановы маюць свае штаб-кватэры ў ім, у тым ліку Дзяржаўная нафтавая кампанія Азэрбайджану, якая ўваходзіць у сьпіс 100 найбуйнейшых кампаніяў^[1].

Гаспадарка

На 2020 год у Нарыманаўскім раёне Баку месьцілася Дзяржаўная нафтавая кампанія Азэрбайджанскай Рэспублікі. У Насімінскім раёне — галаўная сядзіба «Азэрбайджанскай чыгункі».

Геаграфія

Баку знаходзіцца на заходнім узьбярэжжы Касьпійскага мора. У навакольлі гораду ёсьць мноства гразевых вульканаў, як то Кейракі, Богх-Богха, Локбатан ды іншыя, і салёных азёраў, як то Бёюк-Шор, Ходасан ды іншыя.

Насельніцтва

Да 1988 году ў Баку пражывала вялікая колькасьць расейцаў, армянаў і габрэяў, што спрыялі культурнай разнастайнасьці гораду. З пачаткам Карабаскай вайны і пагромаў супраць армянаў, пачынаючы са студзеня 1990 году, вялікая частка армянскай дыяспары зьехала з гораду^[2].

Ураджэнцы

• Натальля Арсеньнева (1903 — 1997) — беларуская паэтка, перакладніца, драматург

Глядзіце таксама

• Бакінская тэлевежа
• Чорны студзень

Крыніцы

1. State Oil Company of Azerbaijan Republic: Transition from National to Transnational Company or Demand of Time?. Turkishweekly.net.
2. Azerbaijan – The Soviet and post-Soviet periods. Britannica