![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Man_playing_shamisen.jpg/640px-Man_playing_shamisen.jpg&w=640&q=50)
Дзёруры
From Wikipedia, the free encyclopedia
Дзёруры (па-японску: 浄瑠璃) — жанр драматычнай рытмаванай прозы Японіі, прызначанай адмыслова для сьпеваў. Прататыпам для дзёруры было мастацтва вандроўных манахаў, якія зьбіралі міласьціну чытаньнем урыўкаў з самурайскіх гераічных кронікаў.
![Thumb image](http://upload.wikimedia.org/wikipedia/commons/thumb/d/df/Man_playing_shamisen.jpg/640px-Man_playing_shamisen.jpg)
Дзёруры ўзьнік у другой палове XVI стагодзьдзя. Са стварэньнем дзёруры неўзабаве ўводзіцца ва ўжываньне трохструнны «сэмісэн», зьмест тэкстаў падвяргаецца грунтоўнай рэдакцыі. Гэтак, напрыклад, чароўны волат самурайскіх кронікаў, грозны Усівакамару, у дзёруры выступае ў абліччы закаханага хлопчыка, які цалкам залежыць ад лёсу.
Гісторыя дзёруры падзяляецца на дзьве стадыі. У першай дзёруры ўяўляе сабой невялікія тэксты для сьпеваў. Другая стадыя пачынаецца з канца XVI стагодзьдзя, калі дзёруры было прыстасаванае для музычнага суправаджэньня лялечных паказаў — улюбёнага відовішча гарадзкога насельніцтва. Росквіт дзёруры як жанру вакальнага мастацтва й як жанру драматычнай прозы адносіцца да першай паловы XVIII стагодзьдзя й зьвязаны з імёнамі знакамітага сьпевака Такэмота Гідаю, селяніна з Сэтцу, і пісьменьніка Тыкамацу, які стварыў цыкль дзёруры на тэмы з жыцьцяў мяшчанаў.