Віктар Шутовіч

Ві́ктар Шуто́віч (27 кастрычніка 1890, в. Шутавічы, Ашмянскі павет — 1 сакавіка 1960, Барысаў) — беларускі каталіцкі сьвятар, публіцыст.

Вікіпэдыя мае артыкулы пра іншых асобаў з прозьвішчам Шутовіч.

Віктар Шутовіч
Род дзейнасьці	беларускі каталіцкі сьвятар, публіцыст
Дата нараджэньня	27 кастрычніка 1890
Месца нараджэньня	в. Шутавічы, Ашмянскі павет, Віленская губэрня, Расейская імпэрыя
Дата сьмерці	1 сакавіка 1960
Месца сьмерці	Барысаў, БССР
Месца пахаваньня	Могілкі Кальварыя
Занятак	публіцыст, каталіцкі сьвятар
Віктар Шутовіч у Вікісховішчы

Біяграфія

Быў высьвечаны ў 1913 годзе ў Вільні. Пачаткова служыў у Барадзенічах Браслаўскага павету. Асуджаны польскімі ўладамі за казаньні на беларускай мове. Быў на парафіях у Лідзе, Тшцянным. З 1932 году вікарый і прэфэкт у Хорашчы каля Беластоку. Служыў у менскім Чырвоным касьцёле (ад вясны 1944 да 1945). 26 студзеня 1945 арыштаваны савецкімі ўладамі, асуджаны на 10 гадоў турмы. Вызвалены 20 сакавіка 1955, вярнуўся ў Менск, атрымаў парафію (нелегальна, з 1956) ў Барысаве, дзе й памёр.

Апрацаваў зборнік «Калядныя песьні», выдадзены Нінай Абрамчык у Бэрліне.