І́гар Анато́льевіч Рачко́ўскі (нарадзіўся 5 красавіка 1968 году, Смаргонь) — беларускі вайсковы і дзяржаўны дзяяч, віцэ-прэзыдэнт Нацыянальнага алімпійскага камітэту (2012), старшыня Фэдэрацыі хакею Рэспублікі Беларусь (2014).
| Ігар Рачкоўскі | ||||
| Віцэ-прэзыдэнт Нацыянальнага алімпійскага камітэту | ||||
|---|---|---|---|---|
| 1 кастрычніка 2012 — цяперашні час | ||||
| Прэзыдэнт: | Аляксандар Лукашэнка | |||
| Прэм’ер-міністар: | Сяргей Сідорскі | |||
| старшыня Дзяржаўнага памежнага камітэту Рэспублікі Беларусь | ||||
| 10 красавіка 2007 — 31 ліпеня 2012 | ||||
| Прэзыдэнт: | Аляксандар Лукашэнка | |||
| Прэм’ер-міністар: | Сяргей Сідорскі | |||
| Папярэднік: | Аляксандар Паўлоўскі | |||
| Наступнік: | Аляксандар Боечка | |||
| Асабістыя зьвесткі | ||||
| Нарадзіўся: |
5 красавіка 1968 (56 гадоў) Смаргонь, БССР | |||
| Адукацыя: | ||||
| Узнагароды: |
| |||
У 1990 скончыў камандна-інжынэрны факультэт Рыскай вышэйшай ваенна-палітычнай вучэльні, у 1996 годзе — курсы Інстытуту нацыянальнай бясьпекі Рэспублікі Беларусь, у 2001 годзе — Беларускі дзяржаўны эканамічны ўнівэрсытэт па спэцыяльнасьці «Правазнаўства».
Праходзіў службу ў розных частках на розных пасадах ва ўзброеных сілах і органах дзяржбясьпекі. У памежных войсках з 1998 году. Служыў начальнікам аддзелу вайсковай часткі 1250, намесьнікам АСАМ (Асобнай службы актыўных мерапрыемстваў памежных войскаў). З 2004 году ўзначальваў АСАМ.
10 красавіка 2007 указам Лукашэнкі № 175 прызначаны старшынём Дзяржаўнага камітэту памежных войскаў Беларусі наўзамен А. Паўлоўскага. Зь верасьня 2007 — згодна з указам аб пераназваньні — старшыня Дзяржаўнага памежнага камітэту Рэспублікі Беларусь.
11 верасьня 2007 атрымаў новае званьне генэрал-маёра.
У красавіку 2010 вызначыўся тым, што ўпершыню за шмат гадоў зрабіў выступ у парлямэнце Беларусі на беларускай мове[1]. Пазьней ён патлумачыў: «Мая пазыцыя ясная. Калі вы заўважылі, пры ўезьдзе ў Рэспубліку Беларусь першы запіс пра назву краіны ідзе на беларускай мове. Бо гэта наша ідэнтыфікацыя. Калі мы хочам, каб нас паважалі, павінны паважаць самі сябе»[2].
31 ліпеня 2012 Ігар Рачкоўскі вызвалены ад займанай пасады за неналежнае выкананьне службовых абавязкаў па забесьпячэньні нацыянальнай бясьпекі Рэспублікі Беларусь. Гэта было зьвязана з гісторыяй пра швэдзкіх мядзьведзікаў, якіх 4 ліпеня скідвалі з самалёта над Менскам і Івянцом.
Зь лістапада 2012 першы віцэ-прэзыдэнт Нацыянальнага алімпійскага камітэту Беларусі. 22 кастрычніка 2014 году абраны старшынём Фэдэрацыі хакею Рэспублікі Беларусь[3].
Мае пяцёх дзяцей.
- ордэн «За службу Радзіме» III ступені
- мэдаль «За бездакорную службу» II ступені
- мэдаль «За бездакорную службу» III ступені
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
