Parol

An parol, (gikan sa Espanyol: farol) sarong Filipinong ornamental na lantern kan panahon nin Pasko.US: /pɑːˈroʊl/ ( dangogon) An mga Parol tradisyonal nang ginigibo gamit an kawayan asin papel de Hapon, asin iniilawan nin mga kandila o lamparang de lana. An modernong mga parol pwedeng gibuhon gamit an iba pang materyales arog kan plastik, metal, asin mga tibulaka nin capiz asin parating may de kuryenteng ilaw. An pinaka-common na porma kaini iyo an sarong limang-puntong bituon, maski ngani pwede mag-abot ini sa manlaen-laen na korte asin kadakulaan.^[1][2] An darakulang korteng disc na mga bersyon sa elektroniko kan mga parol na ginibo sa Pampanga inaapod na "parul sampernandu," an ponetikong pagbaybay kan parol San Fernando, dahilan sa siyudad kun sain an mga parol na ini sarong mayor na produkto.^[3]

Sarong paratindang nagpapabakal nin manlaenlaenaen na desensyo nin parol

Man making Parol in the Philippines

Simple capiz parol

Pampanga Parol

An parol sarong tradisyonal na parte kan pagarayonan na Panunulúyan sa siyam na aldaw na prosesyon nin Novena nin Pasko sa panahon kan kolonyal na Espanyol sa Filipinas. Iyan sa primero rektangular o oblong an porma asin ginibo na may puting papel, alagad pag-abot nin panahon ginibo na sa manlaenlaen na porma asin kolor. Nagin estandarte iyan sa sarong limang-puntong bitoon (na nagrerepresentar sa Bitoon kan Betlehem) durante kan peryodong kolonyal kan mga Amerikano. Iyan nagdadanay na simbolong ladawan kan Pasko sa Filipinas.