From Wikipedia, the free encyclopedia
An Miraya Bikol sarô sa mga tataramon na Bikol na tinataram sa probinsya nin Albay, Filipinas. Susog sa Summer Institute of Linguistics, igwa ining haros 300,000 na parataram kan 2009 sa mga banwaan nin Guinobatan, Camalig, Daraga asin Jovellar, Albay; sagkod Donsol, Sorsogon. Igwa man ining nagkapirang diyalekto na nagkakairiba-iba sa lambang banwaan. Nakakaagid an tataramon sa West Albay Bikol.
 |
An pagpupurbar nin Miraya Bikol kan Wikipedia sa Wikimedya Inkubator |
Ini an ikaduwa sa pinakadakol na parataram sa mga tataramon na Bikol sunod sa Bikol Sentral. Kabali ini sa grupo nin mga tataramon sa Kadagaan na Bikol sagkod an Rinconada Bikol, Mt. Iriga Agta, Buhi Bikol, Libon Bikol asin West Albay Bikol.
Mayo nin ipinapamugtak na pamantayan o estandarteng diyalekto an tataramon huli sa limitadong gamit kan tataramon asin nakasurat na literatura.
Nagkapirang mga rawitdawit an nakasurat sa tataramon na ini siring kan mga panurat ni Marne Kilates kan Daraga, Albay sa diyalektong Daragueño. Sa duwang antolohiyang Kalapakapa: mga Rawitdawit na pinakarhay ni Eduardo Uy[1], mababasa man an nagkapirang rawitdawit sa manlainlain na diyalekto kan Miraya Bikol.
Sarong halimbawa nin halipot na usipon na nakapalis sa diyalektong Camalig iyo an "An Guryon" ni Joey Napay kan Kirangay, Camalig, Albay. An sarong halimbawa nin suanoy na kasabihan sa diyalektong Daragueño iyo an "Su indi tataw makarumdom nung ginitan, indi makaabot sa adunan."
Nakasurat sa baba an mga numero sa Miraya Bikol.
| Numero | Miraya Bikol | Bikol Sentral |
|---|---|---|
| 1 | üsad | saro |
| 2 | duwa | duwa |
| 3 | tolo | tolo |
| 4 | üpat | apat |
| 5 | lima | lima |
| 6 | ünüm | anom |
| 7 | pito | pito |
| 8 | walo | walo |
| 9 | siyam | siyam |
| 10 | sampulô | sampulô |
Ini an palis kan Juan 3:16 sa Miraya Bikol.
Dail ta namot maray ang Diyos sa kinaban, kaya itinaw nya ang solo-solo nyang akus, tabing ang sayman na manubod sanya ay indi mapamak, kung di magkayu ning bway na urang katapusan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
