Aurora Quezon

Si Aurora Antonia Quezon (née de Aragon y Molina; Pebrero 19, 1888 – Abril 28, 1949) iyo an agom kan Presidente kan Filipinas na si Manuel Luis Quezon asin an "First Lady" kan Filipinas poon 1935 hasta 1944. Maski ngani pigbibisto siya bilang an ikaduwang First Lady kan Filipinas, siya talaga an pinakaenot na agom kan sarong Filipinong presidente na pig-apud kaini, an honoripikong dae pa aram sa Filipinas bago magtukaw si Quezon. Padangat kan mga Filipino, si Quezon iyo aktibo sa mga humanitaryong aktibidad asin nagsirbe man bilang pinakaenot na Pamayo kan Philippine National Red Cross.

Her Excellency Aurora Quezon
Ikaduwang First Lady kan Filipinas
In role Nobyembre 15, 1935 – Agosto 1, 1944
President	Manuel L. Quezon
Suminunod ki	Hilaria Aguinaldo
Sinundan ni	Pacencia Laurel
Personal na mga detalye
Kamundagan	Aurora Antonia Aragon y Molina (1888-02-19)Pebrero 19, 1888 Baler, Tayabas, Kaptansya Heneral kan Filipinas (ngunyan an Baler, Aurora, Filipinas)
Kagadanan	Abril 28, 1949(1949-04-28) (edad 61) Bongabon, Nueva Ecija, Filipinas
Lulubngan	Quezon Memorial Circle 14°39′2″N 121°2′54″E
Mga aki	4

SI Aurora Aragón iyo namondag kan Pebrero 19, 1888, kinda Pedro Aragón asin Zenaida Molina, sa banwaan nin Baler sa probinsya nin Tayabas.^[1] Durante kan Rebolusyon sa Filipinas, an saiyang ama iyo pig-impriso kan mga kolonyal na awtoridad huli ta siya pigsuspetsahan bilang miyembro kan Katipunan; kaptibidad.^[1] Mawot ni Aurora magin sarong paratukdo kaya nag-enrol siya sa Philippine Normal College sa Manila sa paggasto kan saiyang futurong agom,^[2] pero nagpundo pagkatapos kan duwang taon huli sa saiyang maluway na salud.

Kan 1907, si Manuel Luis Quezon iyo napili para sa Philippine Assembly. Asin kan 1916, siya napili dagos sa Philippine Senate sagkod bilang an presidente kaini. Si Aurora piripirming pigbibisita si Quezon sa Manila.^[2] Kan Desyembre 1918, pigkasal sinda sa Hong Kong. Nagkaigwa sinda nin apat na aki: si María Aurora "Baby" (Septembre 23, 1919 – Abril 28, 1949); María Zenaida "Nini" (Abril 9, 1921); Luisa Corazón Paz (Pebrero 17, 1924 – Desyembre 14, 1924); asin si Manuel Lucio, Jr. "Nonong" (Hunyo 23, 1926 – Septembre 18, 1998). Si Luisa iyo nagadan nin omboy pa sana.

An saindang pagigin mag-agom iyo matatapos sa pagkagadan ni Manuel Quezon kan 1944. Dae siya naapektuhan kaini maski ngani sa reputasyon niya bilang libertino, an awtor na si Stanley Karnow pigsaladawan si Aurora Quezon bilang naghahanap nin (sa Ingles) "solace in prayer and the Philippine law against divorce".^[3] Kay si Aurora dagos man giraray pigbisto bilang "sarong debotong agom asin istrikto pero nakakaintinding ina".^[4] Mismong si Manuel Quezon pigheras sa publiko na an saiyang agom iyo saiyang "amiga, kaiba, asin kasurog".^[5]

Limang taon pagkatapos nin pagkagadan kan saiyang agom, siya sagkod an saiyang aking babayi na si "Baby" iyo nagadan sa paagi nin asasinasyon mientras nasa dalan pasiring sa sarong ospital na dedikado sa saiyang agom. An probinsya nin Aurora iyo pigpangaran sa saiyang memorya.

Mga nota

1. Filipinos in History, p. 117
2. Filipinos in History, p. 118
3. Karnow, Stanley (1989). In Our File: America's Empire in the Philippines. New York: Ballantine Books. p. 233. ISBN 0-345-32816-7.
4. Filipinos in History, p. 119
5. Martinez, p. 146

Toltolan

• Filipinos in History, Volume II. Ermita, Manila: National Historical Institute. 1990. pp. 117–120. ISBN 971-538-003-4.
• Manuel F. Martinez (2002). "Mission Possible:Assassinate Quezon – and Mrs. Quezon". Assassinations and Conspiracies: From Rajah Humabon to Imelda Marcos. Pasig City: Anvil Publishing, Inc. pp. 138–152. ISBN 971-27-1218-4.

Panluwas na takod

• Wilkins, Ford (April 29, 1949). "Mrs. Quezon Slain with 12 of Party in Filipino Ambush; First President's Widow, Two of Kin, Others Are Shot, Apparently by 'Huks' Army Hunts Attackers Quirino, Who Had Shifted Plan to Be With Motorcade Victims, Discounts Reports of Plot (pay site)". New York Times. Retrieved January 8, 2008.
• "Audio of Mrs. Aurora Quezon, Speaking during the 1948 Red Cross Fund Drive Appeal" (MP3). Manuel L. Quezon III:The Daily Dose. Retrieved May 4, 2008.