From Wikipedia, the free encyclopedia
Sa matematika asin siyensyang pangkompyuter, an algoritmo (Ingles: algorithm) iyo sarong may kasagkorang sekwensya nin may marhay na kahulugan, mga instruksyon na maiimplenta sa kompyuter, tipikal para masimbagan an klase nin mga ispesipikong problema o para makagibo nin komputasyon.[1][2] An mga algoritmo iyo pirmi na may saro sanang kahulogan asin iyo nagagamit bilang mga ispesipikasyon para sa paggibo nin mga kalkulasyon, pagproseso nin mga datos, awtomatikong pagrason, asin iba pang mga kagibohan. Sa kontrasto, an heuristika iyo sarong teknik na ginagamit sa pagsimbag nin mga problema na minagamit nin mga praktikal na paagi asin/o nagkapirang mga estima para makahimo nin mga solusyon na maski ngani bakong optimal pero iyo tama sana sa nasambit na pangyayari.[3] [4]
Bilang sarong epektibong paagi, an algoritmo pwedeng maipahiling sa laog nin kasagkorang bilang nin espasyo asin oras,[5] asin sa marhay na pormal na lenggwahe[6] para sa pagkalkula nin sarong paggana (function).[7] Poon sa inisyal na istado asin sa inisyal na pigkaag "input" (siguro mayong laog),[8] an mga instruksyon iyo nagpapaliwanag nin komputasyon, kun sain kapag pigpagana, nagpapadagos sa paagi nin kasagkorang[9] bilang nin marhay na surunudang istado, na minahimo nin sarong pigluwas "output"[10] asin pigtatapos sa pinal na katapusang istado. An transisyon gikan sa sarong istado pasiring sa masunod iyo dae kinakaipohan na deterministiko; an ibang mga algoritmo, na bisto bilang mga purakang algoritmo (randomized algorithm), iyo minabali nin purakang pigkaag (random input).[11]
An Wikimedia Commons igwa nin medya dapit sa Mga algoritmo. |
Wikibooks has a book on the topic of: Algorithms |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.