Zheng He
From Wikipedia, the free encyclopedia
Si Zheng He o Cheng Ho [2] (Tsino, 鄭和}; 1371 – 1433 o 1435) sarong Tsinong marinero, eksplorador, dipomata, almirante, asin tibosan (eunuch) sa korte durante kan panahon na Dinastiya Ming nin Tsina. Dati dara an pangaran na Ma He na gikan sa pamilyang Muslim, siya tina'wan bagong apelyido na Zheng ni Emperador Yongle.[3] Si Zheng namayo sa mga biyaheng pangdagat komersyo sa Sur-subangan na Asya, Habagatan Asya, Solnopan Asya, asin sa Subangan Aprika poon 1405 sundo 1433 sa laog nin pitong paglalayag sa pagboboot ni Emperador Yongle sa katuyohan na mapahiwas asin mapapusog an paikipagnegosyo sa mga ibang nasyon. An siring na paglalayag inapod na "Treasure Fleet". Sinasabing an enot na paglayag kan 1405 inandam sa kosa kan Salog Yangtze sa Nanking kun saen nagtipon nin 27,800 na tripulante na an ibang sasakyan naglalaba na limang polong gatos na pye, apat an suson, pirang gatos na tripulante an sakay.[4][5] alagad, an iba nagsasabi na palabaw man an mga usipon na siring.[6][7]
Zheng He | |
---|---|
Kamundagan | 1371[1] Kunyang, Kunming, Yunnan, China[1] |
Kagadanan | 1433 o 1435 |
Iba pang mga ngaran | Ma He Sanbao, Cheng Ho |
Trabaho | Almirante, diplomata, eksplorador, asin tibos sa palasyo |
Era | Dinastiya Ming |
Zheng He | |||||||||||||||||||||||||||||||
"Zheng He" in traditional (top) and simplified (bottom) Chinese characters | |||||||||||||||||||||||||||||||
Tradisyonal na Intsik | 鄭和 | ||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Pinasimpling Intsik | 郑和 | ||||||||||||||||||||||||||||||
| |||||||||||||||||||||||||||||||