From Wikipedia, the free encyclopedia
An yukyok (Latin: axilla) iyo an lugar sa hawak nin tawo na direktang nasa irarom kan abaga. Kabale diyan an axillary espasyo, sarong anatomikal na espasyo sa laog kan shoulder girdle sa pag-oltanan kan takyag asin thoracic cage, napalibotan nin imaginary plane sa pag-oltanan nin superior borders kan enot na rib, clavicle asin scapula (sa itaas kun saen kinokonsiderar na kabtang kan liog), sa tahaw iyo an serratus anterior muscle asin thoracolumbar fascia, sa ibaba iyo an pectoral muscle asin sa likod iyo an subscapularis, teres major asin latissimus dorsi muscle.
An malomhok na kublit na nakatahob sa lateral axilla igwa nin dakol na buhok asin mga glandula nin ganot. Sa mga tawo, an pagkaigwa nin parong nin hawak sa kadaklan nangyayari sa axilla.[1] An may parong na mga bagay na ini isinuherir nin nagkapira na magserbing mga pheromones, na may kabtang na konektado sa pagpili nin maaagom, minsan ngani ini sarong kontrobersial na tema sa laog kan komunidad nin siyensia.[2] An yukyok garo baga mas mahalaga kisa sa pubic area para sa pagluwas nin parong kan hawak, na posibo konektado sa bipedalismo nin tawo.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
