From Wikipedia, the free encyclopedia
An torii (Hapon: 鳥居, [to.ɾi.i]) sarong tradisyonal na pintoan na Hapones sa tangkaan nin sarong Santuaryong sintoista, kun saen an simbolismo iyo an pag'agi hale sa kinaban pasiring sa sagrado.
An presensya nin torii sa tangkaan iyo an pinakasimpleng pagbisto kan mga santuaryong sintoista, asin sarong sadit na torii na imahe iyo an narepresentar sa mga mapang Hapones.
An pinakaenot na pagtunga kan mga pintoan na torii sa Hapon natutungod sa katangaan nin Peryodong Heian; nasasambitan an mga ini sa mga teksto kan 922. An pinakagurang na gapong torii natugdok kan ika-12ng siglo asin pagsasadiri kan Santuaryong Hachiman sa Prepekturang Yamagata. An pinakagurang na kahoy na torii sarong ryōbu torii sa Santuaryo nin Kubō Hachiman sa Prepekturang Yamanashi natugdok kan 1535.
An Torii na tata o pintoan tradisyonal na ginigibo sa gapo o kahoy, alagad ngonyan ginigibo hale sa iba-ibang materyal arog kan konkreto, kubre, aserong daing taklaan asin iba pa. Parati dai ini nin pinta o pinipintahan vermilion na sa taas maitom na lintel. An mga Santuaryo nin Inari, an kami nin fertilidad o kahigosan, tipikal na dakul mga torii ta an mga nag'asenso sa negosyo nagtatao nin mga torii sa pagbalos utang na boot. Fushimi Inari-taisha sa Kyoto rinibo an mga torii, lambang saro yaon an pangaran kan nagdonar.[1]
An torii, na pintoan pinapatindog sa tangkaan nin lambang santuaryong sintoista, pwedeng hale sa katagang Indyano na torana. Mantang an terminong Indyano panongod sa sarong trangkahan, an kalingking na Hapones pwedeng ipalis bilang sarong "tugdonan gamgam".[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.