Teresa Magbanua
From Wikipedia, the free encyclopedia
Si Teresa Magbanua y Ferraris (Oktobre 13, 1868 - Agosto 1947), na mas midbid bilang si Teresa Magbanua asin inapod na "Bisayang Joan of Arc," sarong Filipinong paratukdo asin pamayo sa militar. Namundag siya Pototan, Iloilo, Filipinas, nagretiro sa pagtukdo. Nagpakasal siya ki Alejandro Balderas, sarong mayaman na kagsadiri nin daga sa Sara, Iloilo. Kan pumutok an Rebolusyon nin 1896 sa Filipinas tumang sa Espanya, saro sana siya sa pirang babai na nag-ayon sa kabtang kan Katipunan sa Panay. An Katipunan iyo an kainot-inoting sekretong rebolusyonaryong sosyedad na pinanginotan ni Andrés Bonifacio.[1]
Teresa Magbanua | |
---|---|
Ladawan:Teresa Magbanua.png | |
Pangaran kan pagkaaki | Teresa Magbanua y Ferraris |
Mga/Palayaw | Nanay Isa Nay Isa Bisayang "Joan of Arc" |
Namundag sa | (1868-10-13)Oktobre 13, 1868 Pototan, Iloilo, Filipinas |
Nagadan sa | August 1947 (aged 78–79) Pagadian, Zamboanga, Filipinas |
Alyansa | First Philippine Republic Katipunan
|
Serbisyo/ | Philippine Revolutionary Army |
Taon kan Serbisyo | 1896–1900 |
Ranggo | Brigadier General (disputed) |
Tinugon sa | Bolo Battalion |
Mga labanan/Mga giyera | Rebolusyon nin Filipinas * Laban kan Barrio Yoting * Laban kan Sapong Hills Gyera Filipino-Amerikano * Laban kan Iloilo * Laban kan Balantang Ikaduwang Gyera Mundial |
Mga Relasyon | Juan Magbanua (ama) Alejandra Ferraris (ina) Alejandro Balderas (agom) Perfecto Poblador (tiyo) Pascual Magbanua (tugang) Elias Magbanua (tugang) |
Sa ibong kan pagtumang kan saiyang agom, sinundan ni Magbanua an duwa niyang nguhod na tugang na lalaki asin nagbingat nin armas tumang sa mga Espanyol,[2] na pinanginotan an mga soldados sa pakikilaban asin nanggana sa nagkapirang ralaban sa irarom kan pagboot ni Heneral Martin Delgado.[3]
Si Magbanua an minimidbid bilang an solamenteng babai na nanginginot sa mga suldados sa Kabisayaan durante kan Rebolusyon.[4] Dai nahaloy pakatapos kaini, nagbalyo si Magbanua sa pakikilaban sa kolonyal na mga hukbong Amerikano durante kan Guerra sa Filipinas.[1][5]
Saro siya sa pirang Filipino na nagin parte kan tulong paghiro kontra sa Espanya (Rebolusyon sa Filipinas, Estados Unidos sa Filipino-Amerikanong Guerra, asin Hapon sa Guerra Mundial II).[6]