Pilmograpiya ni Vidya Balan
From Wikipedia, the free encyclopedia
Si Vidya Balan sarong aktres na Indyan na namidbid para sa saiyang gibo sa mga pelikulang Hindi. Inot siyang nagluwas sa pelikula kan 1995 sa sitcom na Hum Paanch, sumunod kaini siya nagprobar sa sarong karera sa mga pelikulang Malayalam asin Tamil.[1] Alagad, an saiyang pinakainot na pelikula na saiyang pinirmahan dai nadagos, asin nasanglian siya kan ibang mga artista sa mga nagsurunod na pelikula.[1] Dangan kaini, si Vidya nagluwas sa mga music video para sa bandang Euphoria, Pankaj Udhas, asin Shubha Mudgal,[2][3] na anas yaon sa direksyon ni Pradeep Sarkar. Nagpamidbid siya sa pelikula kaiba sa pelikula Bengali ni Goutam Halder na Bhalo Theko (2003) na igwang mayor na papel.[4] Kan 2005, siya nagganap bilang heroeng si Lalita sa pelikula ni Sarkar, an Parineeta, an pinakainot niyang pelikulang Hindi, na sarong adaptasyon kan nobela ni Sarat Chandra Chattopadhyay.[5] Si Vidya nangga nin Filmfare Award for Best Female Debut para sa pelikula.[6] An pelikulang Lage Raho Munna Bhai (2006) ni Rajkumar Hirani, nagin sarong matriyumpong comedy sequel, kun sain nagganap si Vidya bilang sarong radio jockey katambal si Sanjay Dutt.[7][8]
Si Vidya nagkaigwa nin limang pelikula kan 2007. Ginampanan niya an manlainlain na papel, kabali digdi an sarong babai na nagsasapo nin multiple sclerosis sa semi-biograpikal na dramang Guru ni Mani Ratnam[9], sarong ina sa komedyang Heyy Babyy,[10] asin sarong pasyenteng may dissociative identity disorder sa psychological thriller na Bhool Bhulaiyaa.[11] Dawa na siya pinagtuyaw para sa saiyang hitsura sa Heyy Babyy,[12] tulo sa saiyang mga pelikula an nagin matriyumpo.[13] Kan sumunod na taon, siya nagganap bilang katambal ni Ajay Devgan sa dramang Halla Bol (2008) asin Shahid Kapoor sa romantikong komedyang Kismat Konnection (2008), anas ini dai nangin matriyumpo tanganing madalan nin mas dakol na tawo.[14]
Poon 2009 sagkod 2012,si Vidya nagganap sa limang surunod na pelikulan na nakakua nin mga positibong tuyaw asin pag-umaw.[15] Sa pelikulang comedy-drama na Paa (2009), si Vidya nagganap bilang sarong ina kan sarong aking nagsasapo nin progeria.[16] Nagganap siya bilang sarong para-akit sa komedyang Ishqiya (2010), asin nagganap sa karakter na nakabase sa buhay ni Sabrina Lal sa semi-biographical thriller No One Killed Jessica (2011).[17][18] Siring man kan 2011, siya nagganap bilang Silk sa biopic na The Dirty Picture, na nagtao saiya nin National Film Award for Best Actress.[19][20] Nagganap si Vidya bilang bados na gustong makabalos sa Kahaani (2012), sarong thriller na idinirekta ni Sujoy Ghosh.[21] Siya nagawadan nin Filmfare Award for Best Actress para sa pagganap niya sa Paa, The Dirty Picture, asin Kahaani, asin nin Filmfare Critics Award for Best Actress para sa Ishqiya.[22][23][24] Dai na ini nagibo liwat ni Vidya sa nagsurunod niyang pagluwas sa pelikula, alagad an saiyang pagganap sa thriller Kahaani 2: Durga Rani Singh hinangaan.[25][26] Nagbago ini kan 2017 kan nagganap siya bilang sarong radio jockey sa Tumhari Sulu, kun sain nanggana liwat siya nin Best Actress Award sa Filmfare.[27][28] An saiyang pinakamabentang pelikula nagluwas kan 2019 sa dramang pelikula na Mission Mangal.[29]