Pilmograpiya ni Nicole Kidman
From Wikipedia, the free encyclopedia
Sarong Australyana-Amerikanang aktres si Nicole Kidman na nagka film debut sa Australian drama na Bush Christmas kan 1983.[1][2] Apat na taon makalihis, nagbida siya sa television miniseries na Vietnam, na nakaresibe siya onra sa AACTA Award for Best Lead Actress in a Television Drama.[3] An saiyang matrayumpong role na ginampanan iyo an may agom na na trap sa sarong yate kaiba an paragadan kan 1989 thriller na Dead Calm.[4][5] Sinundan ini kan saiyang Hollywood debut kaiba si Tom Cruise sa Tony Scott's auto-racing film na Days of Thunder (1990).[6] An saiyang ginampanan na homicidal weather forecaster sa Gus Van Sant's crime comedy-drama To Die For nanggana siya nin Golden Globe Award for Best Actress – Motion Picture Comedy or Musical kan 1996.[7] Nagtrabaho siya sa giraray kaiba si Cruise again sa Stanley Kubrick's erotic thriller na Eyes Wide Shut kan 1999.
Ginampanan ni Kidman an pagiging courtesan sa Baz Luhrmann's 2001 musical na Moulin Rouge!, digdi niya naresibe an ikaduwang Golden Globe Award asin enot na nominasyon sa Academy Award for Best Actress.[7][8] kan parehas na taon,,nagluwas si Kidman sa horror-thriller na The Others na nakakua siyang nominasyon sa BAFTA Award for Best Actress.[9] Sa saiyang ginampanan bilang parasurat na si Virginia Woolf sa drama na The Hours (2002) siya an enot na Australyano na nanggana nin Academy Award for Best Actress.[10][11] Kan 2003, nagbida si Kidman sa Lars von Trier's Dogville, sa drama naThe Human Stain, asin an epic war drama na Cold Mountain. Kan sumunod na taon, nagluwas siya sa sci-fi comedy film na The Stepford Wives (2004), asin an drama na Birth (2004). Makalihis an apat na taon, nakaibanan ni Kidman sa giraray si Luhrmann sa historical drama na Australia. Kan 2010, nagbida siya sa drama na Rabbit Hole na kun saen siya nakaresibe nin saro pang nominasyon sa Academy Award for Best Actress.[12][13][14]
Sa telebisyon, ginampanan ni Kidman an pagiging nobelista na si Martha Gellhorn sa biopic Hemingway & Gellhorn (2012), na nkaresibe siya nin nominasyon sa Primetime Emmy.[15] Ginampanan niya an pagiging aktres asin prinsesa na si Grace Kelly sa biopic Grace of Monaco (2014), na naging maraot na taxidermist sa komedya na Paddington.[16] Sa saiyang supporting acting performance kan 2016 sa biographical drama na Lion, snakakua siyang pang-apat na nominasyon sa Oscar .[17][18][19][20] Sa pag produce asin pagbida niya sa HBO drama series Big Little Lies (2017–2019), nanggana si Kidman nin saro pang Golden Globe asin Primetime Emmy Award for Outstanding Lead Actress.[21][22]