Pilmograpiya ni Natalie Portman
From Wikipedia, the free encyclopedia
Si Natalie Portman sarong aktres, produser, asin direktor na igwa nin duwang nasyonalidad: Israeli and Amerikano. Si Portman inot na nagluwas sa pelikula sa action thriller ni Luc Besson na Léon: The Professional kun sain siya nagganap bilang sarong aki na paragadan.[1][2] Sinundan ini sa pagluwas niya sa crime thriller na Heat (1995) ni Michael Mann, romantic comedy na Beautiful Girls (1996) Ted Demme, asin science fiction comedy na Mars Attacks! (1996) ni Tim Burton. Tulong taon an makalihis an saiyang pagganap bilang minor na karakter bilang sarong responsableng aki nin sarong narsisistikong ina na ginampanan ni Susan Sarandon sa dramang Anywhere but Here nagtao ki Portman kan saiyang pinakainot na nominasyon sa Golden Globe Award.[3][4] Kan parehong taon, si Portman nagganap siya bilang si Padmé Amidala sa pinakainot na Star Wars prequel trilogy na Star Wars: Episode I – The Phantom Menace na nagpabantog sa saiya sa bilog na kinaban.[5][6] Dai niya inako an papel sa sumunod na mga pelikulang Star Wars na Star Wars: Episode II – Attack of the Clones (2002), asin Star Wars: Episode III – Revenge of the Sith (2005).
Para sa saiyang pagluwas bilang sarong stripper sa romatikong dramang Closer (2004) ni Mike Nichols, nagawadan siya ni Golden Globe Award for Best Supporting Actress – Motion Picture, asin nakaresibe nin sarong nominasyon para sa Academy Award for Best Supporting Actress.[7][8][9] Duwang taon an makalihis, si Portman nagganap bilang sarong vigilante sa Evey Hammond sa political thriller na V for Vendetta kun sain nagawadan siya nin Saturn Award for Best Actress.[10] Sa parehong taon, nag-host siya sa Saturday Night Live. Kan 2009, siya nagganap bilang sarong adulteress sa The Other Woman, na saiya man pinag-produsir. Kan 2010, si Portman nagganap bilang sarong baylerina na nagsasapo nin bugbog sa saiyang pag-isip sa psychological horror na Black Swan ni Darren Aronofsky asin nagtao saiya nin Academy Award for Best Actress, Golden Globe Award for Best Actress in a Motion Picture – Drama, asin BAFTA Award for Best Actress in a Leading Role.[11][12][13][14]