From Wikipedia, the free encyclopedia
An Departamento para sa Pagprotehir kan Seguridad Publiko asin Kahusayan (Russian: Отделение по охранению общественной безопасности и порядка), inaapod parati Guwardyang Departamento (Russian: Охранное отделение) asin linilipot sa modernong Ingles na mga kasuratan Okhrana (Russian: Охрана, IPA: [ɐˈxranə] ( dangogon), lit. 'the guard') sarong sekretong-pulis na pwersa kan Imperyong Ruso asin parte kan departamento nin pulis kan Ministriya nin Internal na Kasibotan (MIK) kan kahurihan nin Ika-19 asin kaamayi nin ika-20ng siglo, na ini may tabang hale sa Special Corps of Gendarmes.
Охрана Охранное отделение Отделение по охранению общественной безопасности и порядка | |
![]() | |
![]() Grupo nin Okhrana na paretrato sa St. Petersburg, Imperyong Ruso kan 1905 | |
Ahensya overview | |
---|---|
Namukna | 1881[1] |
Nabuwag | Plantilya:End date and age |
Nagtibay na ahensya |
|
Hurisdiksyon | Plantilya:Country data Imperyong Ruso |
Himpilan | Petrograd |
Pigtugdas sa paglaban sa terorismo politikal asin mga makawalang mga rebolusyunaryong aktibidad,[2] an Okhrana nagmamantenir nin mga opisina sa kahiwasan kan Imperyong Ruso, patin mga sangang opisina sa mga nasyon sa luwas. Ini nagtuturohok sa pagmonitor kan mga aktibidad kan mga Rusong rebolusyunaryong yaon sa luwas kan Rusya, siring kan sa Paris, kun saen an Okhrana'ng ahente na si Pyotr Rachkovsky (1853–1910) nakabase (1884–1902) bago siya nagbalik serbisyo sa Saint Petersburg (1905–1906).
An Okhrana ginagamit manlaenlaen na metodo, arog kan rirong na operasyon, mga nakatagong mga ahente, asin "perlustration"—an pagbasa nin mga pribadong korespondensya. An Panluwas na Ahensya kan Okhrana nagsususog man kan mga rebolusyunaryong mga aktibidad.[3] An Okhrana nagin sonadong gayo huli kan saiyang mga ahenteng provocateur, arog ninda Jacob Zhitomirsky (namundag 1880, sarong lataw na Bolshevik asin kaugos na amigo ni Vladimir Lenin), Yevno Azef (1869–1918), Roman Malinovsky (1876–1918) asin Dmitry Bogrov (1887–1911).
An Okhrana nagngata na ikompromiso an labour movement paagi nin pagkaag nin mga trade union na kapot mansana kan pulis, praktis na inapod zubatovshchina. an mga Komunista pigsala' an Okhrana kan Madugong Dominggong Insidente nin Enero 1905,[nangangaipo nin toltolan] kun saen an mga tropang Tsarista [4] nanggadan nin ginatos katawong dai armadong mga nagpoprotesta na nagmamartsa sa sarong demonstrasyon organisado ni Father Gapon. [5]Plantilya:Qn) asin may partisipasyon si Pyotr Rutenberg.
Kadakul na mga historyador arog ki Aleman na historyador na si Konrad Heiden[6] asin an Rusong historyador na si Mikhail Lepekhine[7] nagsasabi na si Matvei Golovinski, parasurat asin ahente kan Okhrana, nagpeke mansana kan enot na edisyon kan The Protocols of the Elders of Zion (1903). An organisasyon nag'imbento nin dokumentasyon konektado sa antisemitikong bista ni Beilis nin 1913.
Mga suspetsadong nasikop ipinapasa kan Okhrana sa sistema hudikatura nin Imperyong Ruso.
An Okhrana dai man nagresibi nin sobra 10% kan badyet nin pulis; an kaheras kaini naglobo lang sa limang bilyon rubles kn 1914.[8]
Maski may mga reporma na[9] kaamayi nin ika-19ng siglo, an praktis nin torture dai man talaga pigwara'.[10] Posiblemente, an pagtugdas kan Okhrana logod nagbunga kan paggrabe nin pag'usar nin torture,[11] huli ta an Okhrana naggamit mga metodo arog kan aresto arbitraryo, detensyon asin torture sa pagpirit makakua nin impormasyon.[12] Mga paghingako nagdadanay na an Okhrana igwang mga pig'ooperar na mga torture chamber sa Warsaw, Riga, Odessa asin sa mayoriya nin mga sentrong urban.[13]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.