Novaya Gazeta
From Wikipedia, the free encyclopedia
An Novaya Gazeta (Russian: Новая газета, IPA: [ˈnovəjə ɡɐˈzʲetə], lit. 'New Gazette') sarong independyenteng peryodikong Ruso na midbid kan saiyang mapagtuyaw asin maigot na pag'imbestigar kan mga isyu dapit sa politikal asin sosyal na kasiribotan sa Rusya.[1][2] Ini pigpupublikar sa Mosku, sa mga rona' sa laog kan Rusya, asin sa ibang mga nasyon. An edisyon na imprintado naluwas Lunes, Myerkoles asin Biyernes; an Ingles na mga artikulo pinupublikar sa websityo kaini soro-semana sa pangaran na Russia, Explained.
Pitong Novaya Gazeta na mga peryodista, kabarali diyan sinda Yuri Shchekochikhin, Anna Politkovskaya asin Anastasia Baburova, an ginaradan na poon kan taon 2000, na konektado sa saindang mga imbestigasyon.[3]
Kan Oktobre 2021, Novaya GazetaPlantilya:'s editor-in-chief Dmitry Muratov ginawaran kan Premyo Nobel sa Katoninongan, kadungan si Maria Ressa, huli sa saindang mga kampanya para sa katalingkasan nin pagpapahayag sa saindang dagang tinubuan.[4]
Kan Marso 2022, durante kan 2022 na Rusong Pagsakyada sa Ukraine, an peryodiko nag'untok publikasyon huli sa labilabing pagsensor kan gobyerno.[5] Sunod na bulan, an edisyon Europeo kan peryodikong Novaya Gazeta pigbungsod sa Riga ngani makalikaw sa censorship;[6] alagad an websityo kaini pigbagat sa Rusya sunod na bulan.[7] Kan Hulyo, an peryodiko nagbungsod nin magasin, Novaya Rasskaz-Gazeta,[8] asin an websityo kaini pigbagat dai mansana naghaloy.[9] Kan 5 Septyembre 2022, an gobyerno kan Rusya padagos binawian lisensya an Novaya Gazeta.[10]