![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/35/PNR_North_and_South_map.png/640px-PNR_North_and_South_map.png&w=640&q=50)
Nasyunal na Dalan na Bakal kan Filipinas
From Wikipedia, the free encyclopedia
An Nasyunal na Dalan na Bakal kan Filipinas o Philippine National Railways (PNR) (Filipino: Pambansang Daang-Bakal ng Pilipinas asin Spanish: Ferrocarril Nacional de Filipinas) iyo sarong kompanya nin dalang-bakal na pagsasadiri kan estado sa Filipinas na nag-ooperar nin sarong pang-serbisyong riles sa tahaw nin Metro Manila asin Laguna, asin mga lokal na serbisyo sa tahaw nin Sipocot, Naga asin Legazpi sa Rehiyon Bikol.[1] Ini iyo sarong katakod na ahensya kan Departamento nin Transportasyon.
![Thumb image](http://upload.wikimedia.org/wikipedia/commons/thumb/3/35/PNR_North_and_South_map.png/640px-PNR_North_and_South_map.png)
![Thumb image](http://upload.wikimedia.org/wikipedia/commons/thumb/1/10/PNR_Executive_Building%2C_Tutuban%2C_Manila_2022.jpg/640px-PNR_Executive_Building%2C_Tutuban%2C_Manila_2022.jpg)
An PNR nagpoon kan operasyon kaini kan Nobyembre 24, 1892, bilang an Manila Railway Company, durante sa kolonyal na panahon nin mga Espanyol, asin dagos nagin Manila Railroad Company (MRR) durante sa kolonyal na panahon nin mga Amerikano. Nagin ini bilang an Philippine National Railways kaidtong Hunyo 20, 1964, sa paagi kan Akto nin Republika Num. 4156. An PNR nagligad na nag-ooperar lagpas 1,100 km (684 mi) nin ruta gikan La Union pasiring sa Rehiyon Bikol.[2] Alagad, sa pagpapabaya nabawasan an serbisyo kan PNR. An mga persistenteng problema sa mga informal na paraistar kaidtong dekada 1990 asin an mga natural na delubyo kan dekada 2000 nag-ambag sa padagos na pagbagsak kan PNR. An gobyerno iyo presente yaon sa proseso nin pagpakarhay liwat kan mga dalan na bakal sa paagi nin mga nagkapirang mga proyekto para sa mga dae-nagagamit na mga linya asin sa paghimo nin mga bago kaini.