Mwai Kibaki
From Wikipedia, the free encyclopedia
Si Emilio Mwai Kibaki (namundag Nobyembre 15, 1931 - 22 Abril 2022) iyo an nagin ikatolong Presidente kan Republika nin Kenya.
Si Kibaki dati iyo an Bise-Presidente kan Kenya nin sampolong taon (1978-1985) asin nagkapot man siya nin mga katongdan sa gabinete, komo Ministro nin Pinansya (1969-1981), Ministro sa Home Affairs (1982-1988) asin Ministro sa Salud (1988-1991), mga pwesto na kun saen siya naomaw na gayo.[1]
Pakadimitir niya sa ultimo niyang pwesto kan 1991, si Kibaki nagserbi komo sarong oposisyon na Myembro kan Parlamento sagkod na siya nagtukaw bilang ikatolong presidente kan 2002. Siya nagdalagan otro sa 2007ng eleksyon asin siya sinasabing naggana alagad dakul an akusasyon na dinaya niya an borotohan. Pero sa imbestigasyon kan sarong independienteng komisyon, naaraman na an darayaan lakop, sa lado niya asin siring man sa lado kan saiyang mayor na kalaban, si Raila Odinga, asin mayong malinaw na resulta kun siisay an talagang nanggana.[2]] Alagad, naareglo man giraray an diringkilan asin, sa areglong pigtarabangan kan mga nasyon sa Aprika, kan Estados Unidos asin kan Reyno Unido, siya man giraray an Presidente asin si Odinga iyo an pinatukaw na Primer Ministro sa binilog na gobyernong koalisyon. [3]