![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ed/Morotai_Topography.png/640px-Morotai_Topography.png&w=640&q=50)
Morotai
From Wikipedia, the free encyclopedia
An Isla Morotai (Indonesian: Pulau Morotai) sarong puro' kabali sa mga isla na inapod na Halmahera sakop kan Molucass, namumugtak sa bandang subangan nin Indonesya na mas nalulugar sa amnayan kaini..
![]() | |
Heograpiya | |
---|---|
Kinamumugtakan | Sur-subangang Asya |
Tagboan | 2°19′N 128°28′E |
Arkipelago/Kaiislahan | Mga Isla Maluku |
Hiwas | 2,337.15 km2 (902.38 sq mi) |
Laba | 80 km (50 mi) |
Lakbang | 42 km (26.1 mi) |
Administrasyon | |
Indonesia | |
Probinsya | Norteng Maluku |
Pinakadakulang settlement | Daruba |
Demograpiko | |
Populasyon | 74,436 (2020 na Senso) |
Densidad nin pop. | 31.85/km2 (82.49/sq mi) |
Kadagdagan na impormasyon | |
Sona nin oras |
|
An Morotai bukid-bukidon asin kadlaganon na isla yaon sa bandang norte kan Halmahera. Ini igwang kahiwasan na 2,337.15 square kilometres (902.38 sq mi), kabali na igdi an Isla Rao na yaon sa bandang sulnopan kan Morotai. Nahuhunat ining 80 kilometres (50 mi) amnayan pasiring habagatan na may kalakbangan na dai masobrang 42 kilometres (26 mi). An pinakadakulang banwaan igdi iyo an Daruba, namumugtak man sa bandang habagatan na kosa. An Leo Wattimena Airport yaon sa islang ini. Haros kadaklan kan mga baryo kan Morotai nalulugar sa mga baybayon kan dagat; sarong tinampong sementado na nagtatakod kan yaon sa kosang habagatan nahahaman na asin ini haleng Daruba pasiring sa Berebere, an prinsipal na banwaan sa kosang habagatan 68 kilometres (42 mi) an rayo.[nangangaipo nin toltolan] Sa pag'ultan kan Halmahera asin mga uru-isla asin mga reef kan kosang sulnopan nin Morotai iyo an Itiot nin Morotai, na may lakbang na 10 kilometres (6.2 mi).[1]