From Wikipedia, the free encyclopedia
An Mga edipisyo nin mga Katolikong simbahan para ki Birhen Maria iyo an mga edipisyong panrelihiyoso na itinugdok asin itinalaga para sa pag'onra ki Inang Birhen Maria kan mga Katoliko Romano. An mga edipisyong ini itinugdok sa lawig kan historya nin Simbahan Katoliko Romano asin ngonyan makukua an mga siring na edipisyo sa lambang kontinente kaiba na an Antartica. An agi-agi kan arkitektura sa mga simbahan na itinalaga para ki Birhen Maria naglaladawan kan istorya nin pagtalubo kan Mariolohiya Katolika.
An paghaman asin pagtalaga kan mga simbahan na para ki Birhen Maria nag'iindikar nin sarong peryodo, urog na kan santo papa na may espesyal na pagtrato sa Birhen Maria. Halimbawa, idtong pagrededikar kan 1955 ni Santo Papa Pius XII kan simbahan na Saint James the Great sa Montreal, na tina'wan bagong titulo Maria, Reyna nin Kinaban na Katedral, nagpapanalmingan kan saiyang bansag na siya iyo idtong "pinakaMarianang papa". Amay pang sangtaon kaidto, si Papa XII pigproklama an titulong iyan para ki Birhen Maria kan 1954 sa saiyang encyclical Ad Caeli Reginam.[1] An encyclical na ini sa Reyna nin Langit sarong halimbawa sa pagpangawat kan pagtugdok mga simbahan asin kun ano an epekto kaini sa debosyon ki Maria.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.