Medalyang bronse

An sarong medalyang bronse sa isport asin iba pang kaagid na mga langtad na imbwelto an kompetisyon iyo an medalyang gibo sa bronse na itinao sa ikatolong place nin kompetisyon o kompetisyon na arog kan Olimpikong Karawat, Komunwelt na Karawat, asin iba pa. An direktang ganador nag-ako nin medalyang bulawan asin an ikaduwa igwa nin medalyang pirak. Sa pankagabsan, an bronse tradisyonal na iyo an pinakakomun na metal na ginagamit para sa gabos na klase nin halangkaw na kalidad na medalya, kaiba an mga artistiko. Nagpoon an pagpraktis na igawad an bronseng ikatolong place na medalya sa Olimpikong Karawat sa Tag-init sa St. Louis, Missouri, na bago kaini enot asin ikaduwang lugar sana an itinao.

Sarong medalyang bronse gikan sa 1980 Olimpiko sa Tag-init.

An bronseng komemoratibo Medal of John VIII Palaeologus ni Pisanello (1438), na gibo sa manlaenlaen na metal, alagad sa parate gibo sa bronse.

Olympikong Karawat

Sa paggibo nin Olympikong medalya iyo an responsibilidad kan host na syudad. Poon kan 1928–1968 an desenyo pirming pareho: ipinapahiling sa obverse an henerikong desenyo kan Florentine artist na si Giuseppe Cassioli na igwa nin teksto na nagtatao sa host na syudad; ipinapahiling sa reverse an saro pang henerikong desenyo kan kampyon sa Olympiko. Poon kan 1972–2000, an desenyo ni Cassioli (or a slight reworking) nagtinir sa obverse na igwa nin custom design kan host na syudad sa reverse. Ipiniparisa na an desenyo ni Cassioli na ipinahiling an Romanong amphitheatre na kun ano an orihinal na Griyegong karawat, kinomisyon an bagong desenyo sa obverse para sa Athens 2004 Games. An mga medalya sa Winter Olympics nagkaigwa nin manlaenlaen na desenyo.

Sa nagkapirang torneo sa isport, siring kan boxing, judo, taekwondo asin wrestling, duwang medalyang bronse an iginawad sa lambang event – saro para sa kada naeliminar na semi-finalist o para sa mga ganador kan repechage brackets.^[1]

Toltolan

1. "How are bronze medals decided at the Olympics?". Olympics. Retrieved 18 July 2022.