Martin Luther King, Jr.
From Wikipedia, the free encyclopedia
Si Martin Luther King Jr. (Enero 15, 1929 ā Abril 4, 1968) sarong Apro-Amerikanong Bautistang ministro asin aktibista. Siya an nagin pinakalataw na parataram asin taga-busol kan hiron sa deretso sibil poon 1955 sagkod na siya pinag-asasinar kan 1968. Namundag sa Atlanta, si King midbid sa pagbusol kan mga deretso sibil paagi sa matoninong na mga lakdang asin pakitusay na dai pagtubod sibil. An siring na mga taktika saiyang nakua sa saiyang mga pagtubod Kristyano asin hale sa aktibismong toninong ni Mahatma Gandhi.[1]
Martin Luther King Jr. | |
---|---|
1st President of the Southern Christian Leadership Conference | |
Termino January 10, 1957 ā April 4, 1968 | |
Suminunod ki | Position established |
Sinundan ni | Ralph Abernathy |
Personal na mga detalye | |
Kamundagan | Michael King Ina Jr. (1929-01-15)Enero 15, 1929 Atlanta, Georgia, U.S. |
Kagadanan | Abril 4, 1968(1968-04-04) (edad 39) Memphis, Tennessee, U.S. |
Lulubngan | Martin Luther King Jr. National Historical Park |
Mga aki | Yolanda Martin Dexter Bernice |
Mga magurang | Martin Luther King Sr. Alberta Williams King |
Edukasyon | Morehouse College (BA) Crozer Theological Seminary (BDiv) Boston University (PhD) |
Kasibotan | Minister, aktibista |
Midbid bilang | Civil rights movement, Peace movement |
Awards | Nobel Peace Prize (1964) Presidential Medal of Freedom (1977, postuma) Congressional Gold Medal (2004, postuma) |
Monuments | Martin Luther King Jr. Memorial |
Lagda |
Si King namayo sa 1955 na boykot sa bus sa Montgomery asin kan siya nagin pinakaenot na presidente kan Southern Christian Leadership Conference (SCLC) saiyang naalok ini na magkampanya laban sa segregasyon na ginigibong praktis sa Albany, Georgia, alagad an siring na kampanya mayong inantosan. Siya man nag'organisar kan matoninong na mga protesta kan 1963 sa Birmingham, Alabama. Nagtabang man siya sa pag'organisar kan si 1963 na Martsa sa Washington kun saen ipinahayag niya an diskursong "Igwa Akong Pangiturogan" na nabantog na gayo.[2]