From Wikipedia, the free encyclopedia
An lugaw, pigbabaybay man na lugao, iyo sarong luto gikan malapot na maluto sa Filipinas. Kabali sa luto nin lugaw iyo pupuwedeng maasgad o mahamis. Sa mga rehiyon kan Visayas, an maasgad na lugaw iyo kolektibong pig-aapud na pospas. An lugaw iyo mahiwasan na hinihiling bilang sarong pamparahay na pagkakan sa Filipinas.[1][2][3]
Ordinaryong lugaw | |
Alternatibong ngaran | pospas, lugao |
---|---|
Kurso | Pangenot na pagkakan |
Ginikanang lugar | Filipinas |
Pangenot na sahog | malapot na maluto |
Mga baryasyon | arroz caldo, goto |
Pagkakaarog na lutoon | Congee |
An lugaw, tradisyonal na ginigibo sa nagkakalakaga na malapot na maluto (Tagalog: malagkit; Bisaya: pilit). An ordinaryong maputing bagas iyo pwede man pakalakagaan sa sobrang tubig. An pangenot na bersyon iyo may kadikit na harang huli sa paggamit nin asin, bawang, asin laya, o alternatibo gamit an asukar. An iba pang bersyon iyo pigluluto sa manok, sira, o karne nin orig o baka. Hinihiling ini bilang sarong pamparahay asin madaling matunaw na kakanon sa tulak na tipikal hinihimo sa pamahawan sagkod durante nin malipot asin mauran na panahon. Harus pigsisirbe man ini sa mga tawong igwang helang o dae makabuhat, sagkod sa mga aki asin sa mga gurang.[4][5]
An lugaw iyo harus pigkakakan nin mainit o maimbong. Pwede man ini mainit liwat kun kakaagan nin kadikit na tubig.[6][7][8][9] Alagad an mga bersyong panghimagas iyo malipot o partidang nagyelo.[10]
An lugaw iyo pwedeng ipares o kaagan pa nin nagkapirang mga lain na lutoon asin salak.
An kadaklan sa maasgad na bersyon kan lugaw iyo gikan hale o naimpluwensyahan kan Intsik na istilo kan "congee", na iyo dinara kan mga Tsino-Filipino na migrante. Naliwat na ini sa laog nin pirang mga siglo para maggamit nin mga Filipinong salak asin lokal na pagnamit. An Filipinong maasgad na lugaw iyo tipikal na mahibog kaysa sa iba pang mga Asyanong congees huli ta minagamit sinda nin malapot na maluto. Tradisyonal sinda na pigsisirbe kaiba an kalamansi, tawyo, o patis bilang mga kondimento.[11][12] An maasgad na lugaw iyo harus pinapares kaiba an karne o mga lutoon hale sa kadagatan. An pinakabisto iyo an tokwa't baboy (kubikong tofu asin karne nin orig).[4][5]
An mahamis na bersyon kan lugaw iyo may karakter na Filipino. Kaiba digdi an:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.