![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a4/Argument_terminology_used_in_logic_%2528en%2529.svg/langbcl-640px-Argument_terminology_used_in_logic_%2528en%2529.svg.png&w=640&q=50)
Lohika
From Wikipedia, the free encyclopedia
An lohika (Ingles: logic, gikan sa: λογική, logikḗ, 'pagkakaigwa nin rason, intelektwal, diyalektwal, argumentatibo')[1][2] iyo an sistematikong pag-aadal kan mga balidong kasuguan nin imperensya, i.e. an mga relasyon na nagtaong dalan sa pag-ako nin sarong proposisyon (an konklusyon) sa basehan nin katiripunan nin iba pang mga proposisyon (premiso). Sa mahiwas na pagtanaw, an lohika iyo an analisis asin paghiling sa mga argumento.[3]
![Thumb image](http://upload.wikimedia.org/wikipedia/commons/thumb/a/a4/Argument_terminology_used_in_logic_%28en%29.svg/640px-Argument_terminology_used_in_logic_%28en%29.svg.png)
Mayo nin pankagabsan na pag-uyon sa kun ano an eksaktong depinisyon o limitasyon kan lohika.[4][5][6] Alagad, an sakop kan lohika kabali an mga:
- An klasipikasyon kan mga argumento
- An sistematikong analisis kan mga pormang lohikal
- An sistematikong pag-adal kan balidad nin mga deduktibong imperensya
- An kakusogan nin mga induktibong imperensya
- An pag-aadal nin mga salang argumento, arug kan mga fallacies
- An pag-aadal nin mga lohikal na paradoksiya
- An pag-aadal nin sintaks asin semantiko kan mga pormal na tataramon
- An pag-aadal nin mga konsepto kan kahulugan, denotasyon, asin katotoohan
Sa uusipon, an lohika iyo pangenot na pig-aadalan sa pilosopiya (poon pa kan suanoy na panahon), matematika (poon sa katahawan kan ika-19 na siglo), asin siyensyang pangkompyuter (poon sa katahawan kan ika-20 na siglo). Dae pa nahahaloy, an lohika iyo naadalan naman sa lingwistika asin sa kogintibong siyensya. Sa pankagabsan, an lohika iyo mantinido na sarong makusog na interdisplinaryong lado nin pag-aadal.