![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2a/The_Majesty.jpg/640px-The_Majesty.jpg&w=640&q=50)
Likas na pamana
From Wikipedia, the free encyclopedia
An likas na pamana (Ingles: natural heritage) iyo dapit sa kabilogan nin mga elemento kan biyodibersidad, kabali an flora asin fauna, ekosistema asin heolohikal na mga istruktura. Parte ini kan satuyang likas na yaman.
![Thumb image](http://upload.wikimedia.org/wikipedia/commons/thumb/2/2a/The_Majesty.jpg/640px-The_Majesty.jpg)
An pamana iyo an namana gikan sa nagligad na henerasyon, namantinido sa presente, asin ipapasa sa maabot na henerasyon.[1] An katagang "likas na pamana", naggikan sa "likas na pagpamana", iyo mas naenot sa katagang "biyodibersidad". Saro ining mas dae-siyentipikong kataga asin mas pasil na naiintindihan sa nagkapirang paagi kan mas mahiwas na katawohang interesado sa konserbasyon.