From Wikipedia, the free encyclopedia
An kurusong o sayap, o apod man kondong sarong klaseng pansaklob sa payo ngani dai mainitan o mauranan o tangarig magsirbing proteksyon sa payo asin lalawgon. Ini halakbang an paldea, gibo sa dahon kan buri o nipa asin kawayan na iyo an bala na nagtatalidong kan paldea. An gayad kan paldea nagigin higot asin pusog ta ini binibilitan. An bilit pwedeng simple o maarteng gayo. Ini binalisongsong sa porma. Ngani ini dai basang mahulog sa pakasu'lot, may nakatahi nin inaapod na barangka' sa katangaan kan kurusong asin ngani dai mahulog sa payo, may lubid na pansa'long. An natural na pantahi kaini sa pagporma, gamit an nito' o nawe. Alagad, mas madali sa pagtrabaho na ngonyan kun an inuusar iyo an inaapod na plastik na nawe imbes na huyo'. Igdi sa Camarines Sur, an bantogan na mga paragibo nin kurusong iyo an mga taga-Burabod, Lagonoy. [1][2]
Sa ibang mga nasyon sa Asya pwedeng manlaenlaen man an materyales na gamit sa paggibo kaini depende kun anong madidisponer na materyales sa lugar..
An kupya na siring an porma usong-uso igdi sa Sur-subangan na Asya asin pinabantog na gayo kan mga Viet Cong kan Biyetnam kan panahon nag'agi ini sa gera sibil. Sa presente, ini uso sa Bangladesh, Bhutan, Tsina, Kambodya, Northeast India, Indonesya, Hapon, Korea, Laos, Malaysia, Myanmar, Nepal, Filipinas, ibang parte kan Outer Manchuria, Taiwan, asin Byetnam.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.