From Wikipedia, the free encyclopedia
An kultura (Ingles: culture, /ˈkʌltʃər/) iyo sarong payong na termino na minasakop sa sosyal na paghiro sagkod norma na mahihiling sa mga pantawong komunidad, pati naman an kaaraman, pagtubod, arte, ley, kustoma, kapabilidad, asin an kaugalian kan mga indibidwal sa mga grupong ini.[1]
An mga tawo iyo minaako nin kultura sa paagi kan enkulturasyon asin sosyalisasyon, na iyo pinapahiling sa dibersidad kan mga kultura sa manlainlain na komunidad.
An sarong kultural na norma minakaag nin inaakong pag-uugali sa sosyedad; minasirbe ini bilang sarong basehan para sa kaugalian, pagbado, pagtaram, pagyurak sa siwasyon na nagsisirbe bilang sarong plantilya para sa ekspektasyon sa sarong pansosyedad na grupo. An pag-ako sana sa sarong monokultura sa sarong sosyedad iyo pwede magtao nin peligro, kun sain garu sarong espesye sana an mawawara sa paghampang sa pagbabago sa kapalibotan, huli ta sa kakulangan sa minaganang simbag sa pagbabago.[2] Kaya sa militaryong kultura, an kusog-boot iyo pigbibilang na sarong tipikal na kaugalian para sa sarong indibidwal sagkod katundan, onra, asin loyalidad sa sosyedad, sagkod iyo pigbibilang man na simbag sa pagpapadagos nin dae pagkakaintindihan. Sa praktika nin relihiyon, an mga analogong karakter iyo mahihiling sa sarong sosyedad.
An Wikimedia Commons igwa nin medya dapit sa Culture. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.