From Wikipedia, the free encyclopedia
An Kremlin (Russian: Московский Кремль, tr. Moskovskiy Kreml', IPA: [ˈmɐˈskofskʲɪj krʲemlʲ], lit. 'Moscow Kremlin') sarong pinagpatibay komplex yaon sa tahaw kan Mosku tinugdas kan Rurikid na dinastiya.[1] Ini an pinakabantogan na kremlin (Rusong sitadel), asin linalaman ini nin limang palasyo, apat na katedral, asin nalilikosan kan Pader Kremlin na igwang mga Kremlin na mga tore. Dugang pa igdi, sa laog kan komplex iyo an Palasyo Grand Kremlinna dati iyo an residensya sa Mosku kan kan dating Tsar. An komplex nagsisirbe na ngonyan na opisyal na residensya kan Presidente kan Rusong Pederasyon asin bilang sarong museo na kan 2017 igwang mga bisita uminabot tolong milyon.[2] An Kremlin nagtata'naw sa Salog Moskva sa habagatan, Katedral ni Santo Basil asin Red Square sa subangan, asin Alexander Garden sa sulnopan.
An "Kremlin" boot sabihon "kota' sa laog nin syudad",[3] asin parati nagagamit na kataga' na representasyon na mismo kan gobyerno nin Rusong Pederasyon. Dati ini pinapanongdan an gobyerno kan Unyon Sobyet (1922–1991) asin an mga haralangkaw na opisyales igdi (arog kan mga sekretaryo heneral, premier, presidente, ministro, asin komisar). An terminong "Kremlinolohiya" dapit sa pag'adal nin Sobyet asin Rusya'ang politika.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.