From Wikipedia, the free encyclopedia
An sarong kapag-arakian o henerasyon (Ingles: generation) nanonongod sa gabos na tawo na namundag asin nabubuhay nin durungan, na ibinibilang sa kabilogan. Masasabi man iyan na, "an promedyong peryodo, na sa pankagabsan ibinibilang na mga 20-30 taon, na durante kaiyan an mga aki namundag asin nagdadakula, nagigin adulto na, asin nagpopoon nang magkaaki".[1] Sa termino na dapit sa pagkaparyentes, ini sarong termino sa estruktura na designado an relasyon kan magurang sa aki. Midbid ini bilang biogenesis, reproduksyon, o procreation sa biolohikong siyensya.
An kapag-arakian parate man na ginagamit sa kaparehong kahulogan kan cohort sa siyensya sosyal; Sa irarom kan pormang ini an boot sabihon "mga tawo sa laog nin sarong delineadong populasyon na nakaeeksperyensia kan kaparehong mahalagang mga pangyayari sa laog nin sarong itinalaan na peryodo nin panahon".[2] An mga henerasyon sa sentidong ini nin birth cohort, inaapod man na "social generations," lakop na ginagamit sa popular na kultura, asin iyo an nagin basehan para sa pag-aadal nin sosyolohiya. An seryosong pagsiyasat sa mga henerasyon nagpoon kan ikadesinwebeng siglo, na idinodoon an nag - oorog na pakaaram sa posibilidad nin permanenteng sosyal na pagbabago asin an ideya nin pagrebelde nin mga hoben tumang sa establisadong orden sosyal. Nagtutubod an nagkapirang analisador na an kapag-arakian saro sa pundamental na sosyal na kategorya sa sarong sosyedad, mantang an iba minamansay an importansya kaiyan na natatahoban nin ibang bagay kaiba an klase, sekso, rasa, asin edukasyon, sa iba pa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
