From Wikipedia, the free encyclopedia
An Kabatang Makabayan (Tagalog, "Patriotic Youth" o "National Youth"), bisto man sa acronym KM, sarong patagong sosyalistang organisasyon nin mga hobenes sa Filipinas na aktibo poon 1964 abot 1975.[2] Ipinagbawal ini kan gobyerno nin Filipinas kan 1972 kan an pa-Presidenteng si Ferdinand Marcos nagdeklara nin ley militar, asin nagin sarong "underground" na organisasyon.[3] Pormal na nagtapos ini sa katahawan kan mga-1975 kaiba an iba pang mga organisasyon Demokratiko Nasyonal, bilang parte kan pagbabago nin estratehiya kan Nasyonal Demokratikong mga organisasyon laban sa rehimeng Martial Law. [4] Minsan siring, apisar kan pagkawara, buhay pang marhay an organisasyon, na pinatutunayan kan dai pa sana nahahaloy na mga pag - arestar sa mga myembro nin KM.[5]
Kabataang Makabayan | |
---|---|
![]() | |
Founded | Nobyembre 30, 1964[1] |
Headquarters | Quezon City |
Ideology | Progressivism Nationalism Communism Marxism–Leninism–Maoism |
Mother party | Communist Party of the Philippines |
An Kabatang Makabayan gikan sa Cultural Association kan UP (SCAUP) sa Unibersidad kan Pilipinas asin inot pinagorganisar bilang youth arm kan Partido Komunista ng Pilipinas-1930 ni Jose Maria Sison, Nilo Tayag asin iba pa.[6][7] Inimahinar ni Sison an grupo nin mga hoben bilang mga rebolusyonaryo na maestablisar nin sarong nasyon na pinanginginotan kan grupong nagtatrabaho imbes na kan mga politikong oligarkiko. Itinugdas ini kan Nobyembre 30, 1964, Aldaw ni Bonifacio, sa pagduon kan pagpadagos sa ginibo ni Andres Bonifacio kan 1896 Philippine Revolution.[2] Si Senador Lorenzo Tañada an nagtao kan pantapos na pahayag sa pinakainot na nasyonal na kongreso kan KM asin sya sarong konsultant asin man onoraryong myembro[8]
Kan si Sison pinaghira an Partido Komunista kan Filipinas (CPP) kan 1968 bilang resulta kan Inot na Dakulang Rekrepikasyon Mobimyento, an Bagong Hokbong Bayan (NPA) pinag-organisar bilang pangmilitar na grupo kaini; an Kabataang Makabayan nagin youth arm kan CPP. Saro man ini sa mga grupo na nagmukna kan National Democratic Front of the Philippines.[2]
An Kabatang Makabayan an nanginot sa First Quarter Storm, panahon nin kariribokan sibiko sa Pilipinas na binibilog nin serye nin madahas na mga demonstrasyon, protesta, asin pagmartsa tumang sa gobyerno ni Ferdinand Marcos poon Enero sagkod Marso 1970. An mga protesta asin suminunod na kadahasan na ipinasabong ninda bilang grupo nagin mayor na rason na nagbunga kan deklarasyon kan Martial Law kan 1972.
Pigtatantya kan gobyerno kan Filipinas na an Kabataang Makabayan igwa nin 10,000-30,000 na myembro sa kasagsagan kan kusog kaini.