Joseph Estrada
From Wikipedia, the free encyclopedia
From Wikipedia, the free encyclopedia
Si Jose Marcelo Ejercito (namundag kan Abril 19, 1937) na mas midbid sa pangaran na Joseph Ejercito Estrada, o Erap, sarong aktor sa Filipinas asin siya an ika-13ng Presidente kan Filipinas poon Hunyo 30, 1998 abot Enero 20, 2001. Matoninong siyang napahilig sa pwesto huli kan Ika-2 People Power Revolution pakaaagi kan si nasodong impeachment trial niya sa Senado na kun saen onseng Senador nagsayuma na pabuksan idtong ika-2 sobre kan Jose Velarde Bank Account na soboot mapatotoo na igwa siyang ginibong akto nin koropsyun.
| The Honourable Joseph Ejercito Estrada | |
|---|---|
 | |
| 22nd Alkade kan Manila | |
| Inkumbent | |
| Pagtukaw sa pwesto Hunyo 30, 2013 | |
| Bise alkalde | Isko Moreno (2013–2016) Ma. Sheilah H. Lacuna-Pangan (2016–present) |
| Suminunod ki | Alfredo Lim |
| 13th President of the Philippines | |
| Termino June 30, 1998 – January 20, 2001 | |
| Bise Presidente | Gloria Macapagal Arroyo |
| Suminunod ki | Fidel Ramos |
| Sinundan ni | Gloria Macapagal Arroyo |
| 9th Vice President of the Philippines | |
| Termino June 30, 1992 – June 30, 1998 | |
| President | Fidel V. Ramos |
| Suminunod ki | Salvador Laurel |
| Sinundan ni | Gloria Macapagal Arroyo |
| Chairman of the Presidential Anti-Crime Commission | |
| Termino 1992–1997 | |
| President | Fidel Ramos |
| Senator of the Philippines | |
| Termino Hunyo 30, 1987 – Hunyo 30, 1992 | |
| Alkalde ng San Juan, Metro Manila | |
| Termino Agosto 5, 1969 – Marso 26, 1986 | |
| Suminunod ki | Braulio Santo Domingo |
| Sinundan ni | Reynaldo San Pascual |
| Personal na mga detalye | |
| Kamundagan | José Ejército y Marcelo Abril 19, 1937 Tondo, Manila, Commonwealth of the Philippines |
| Partido politikal | PMP (1997–present) |
| Iba pang partido | Nacionalista (1969–1988) Liberal Party (1988–1991) NPC (1991–1997) UNA (2012–2015) |
| Mga aki | 11 (incl. Jinggoy, Joseph Victor) |
| Dinakulaan | Santa Mesa, Manila |
| Alma mater | Mapúa Institute of Technology Central Colleges of the Philippines |
| Kasibotan | Actor |
| Trabaho | Businessperson |
| Pagtubod | Roman Catholicism |
| Lagda |  |
| Websityo | erap |
Kan Abril 4, 2001, an bista ki Estrada naponan kan si Ombusdsman Aniano Desierto nagsangat sa Sandiganbayan, sarong korteng panglaban sa koropsyon sa Pilipinas, nin Php 4-bilyon na kaso nin plunder asin sarong menor na kaso nin perjury sa pagputik sa deklarasyon niya kan saiyang pagrorogaring asin sa paggamit niya kan ilegal na bank account kan alias na Jose Velarde. Kan Sept. 12, 2007, siya an kaenot-enoteng Presidente sa Filipinas na napatotoanan sa krimen na plunder kan Sandiganbayan, na may silot na reclusion perpetua. Nadetenir siya sa sarong resthouse sa Tanay, Rizal alagad katapos-taposi pinagpardon siya ni Pres. Gloria Macapagal Arroyo kan Okt. 25, 2007.
Si José Marcelo Ejercito pinangaki sa Tondo, saro sa tios na maray na lugar sa Manila. an mga magurang niya iyo sinda Emilio Ejército, Sr (1898-1977), sarong sadit sana man na kontratista sa gobyerno asin si María Marcelo (1905-2009), na napirmi lang sa harong. Siya an ikawalo sa sampolong (10) magturugang. An saiyang mga tugang iyo sa: Antonio Ejercito (1932-2005), Emilio Ejercito, Jr (nagin man aktor dara an pangaran sa pelikulang George Estregan) (1939-1988), Dr. Pilarica Ejercito, abogado Paulino Ejercito, Petrocinia E. de Guzman, Marita , asin si Jesse Ejercito.
Agom niya si Luisa Pimentel na sarong doktora (psychiatrist) na nagtukaw man komo senador kan Filipinas. Nagkaigwa sinda nin tolong aki: Jose Ejercito, Jr. (mas bisto sa pangaran na "Jinggoy Estrada"; nagin alkalde asin ngonyan (2009) nagtutukaw bilang sarong senador man kan Filipinas / kasal kay Precy Vitug), Jackie Ejercito (kasal ki Beaver Lopez), asin si Jude Ejercito (kasal ki Weng Ocampo).
Bantog bareta na siya may iba pang mga babaeng karelasyon asin saro sa aki niya "sa luwas," na boot sabihon mayo sa laog kan relasyon matrimonyal, iyo si Joseph Victor "JV" Ejercito (aki niya ki Guia Gomez) na ngonyan (2009) alkalde kan syudad nin San Juan.
Si Ejercito nagtapos kan saiyang elementarya sa Ateneo de Manila kan taon 1951. Napatalsik siya sa parehong eskwelahan kan yaon na sa haiskul huli sa rason nin pagdisiplina. Naglapag pa man kuta siya nin kurso sa engineering sa Mapua Institute of Technology alagad dai nakatapos asin nagbutas na logod padagos sa pag'adal.
Kan siya nagin nang aktor, ginamit niyang pangaran Estrada (Kastila, plataporma) komo sarong apelyido. Bilang sarong aktor, pinaghinako' niya an bansag na "Erap" (hale sa pinagbaliktad na Tagalog na pare, sa Bikol padi). Sinasabi na lampas sanggatos (100) na pelikula an pigpapelan niya na siya an bida asin nagin man siyang prodyuser sa sobrang setentang (70) pelikula. Siya an enot na premyado kan enot na FAMAS Hall of Fame bilang pinakamahusay na aktor kan taon 1981. Siring man nagin siyang premyado komo Produyser kan taon 1983.
Sa saiyang mga papel sa pelikula, parati siya an kampyon kan mga naaapi, mga daing inadalan asin mga tios, bagay na nagin mahamot siyang maray sa mga siring na paradalan asin ini-idolo nang gayo siya. Masabi pa, nagin nanggad bentahe niya ini kan siya naglaog sa pulitika.
An napangagom niyang si Luisa Pimentel, kun napano ta naagom niya ini, sinda nagkahiling-hilingan duman sa National Center for Mental Health, Mandaluyong City kun saen siya nagtrabaho bilang saro mansanang sinusugo-sugo.
 | |
| Mga bise presidente kan Filipinas | |
| Sergio Osmeña • Elpidio Quirino • Carlos Garcia • Diosdado Macapagal • Emmanuel Pelaez • Fernando Lopez • Salvador Laurel • Joseph Estrada • Gloria Macapagal-Arroyo • Teofisto Guingona Noli de Castro • Jejomar Binay • Leni Robredo | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
