Halal

An Halal (/həˈlɑːl/; Arabic: حلال‎ ḥalāl, "tinutugot"), binabaybay man hallal o halaal, mapadapit ini sa kun ano an itinutugot o nag'uuyon sa ley kan Islam, na iyo an inaapod na "Sharia". Ini parati manongod sa tinutugot na mga pagkakan asin inomon.

Sarong karatula nin halal (حلال) sa tindahan karne sa Paris, Pransya

.

Sa Quran, an katagang halal kabaliktaran kan tataramon na haram (bawal).^[1] Sa Islamikong hurisprudensya, an magkasuwayan na kahulogan mas ipinahayag sa kumplikadong pagklasipikar, na nasayod sa sinasabinng "an limang desisyon": obligado, rekomendado, neutral, makakauungis, asin bawal.^[2] An mga Islamikong hurista dai naoyon kun an terminong "halal" sakop an enot na apat na kategorya.^[2] Sa ngonyan mas sinisimple na sana an klasipikasyon, magsalang "halal" o "haram".^[1][3]

Toltolan

1. Juan Eduardo Campo, ed. (2009). "Halal". Encyclopedia of Islam. Infobase Publishing. p. 284.
2. Vikør, Knut S. (2014). "Sharīʿah". In Emad El-Din Shahin. The Oxford Encyclopedia of Islam and Politics. Oxford University Press. Archived from the original on 2017-02-02. Retrieved 2019-02-11.
3. Lowry, Joseph E (2006). "Lawful and Unlawful". In Jane Dammen McAuliffe. Encyclopaedia of the Qurʾān. Brill. doi:10.1163/1875-3922_q3_EQCOM_00107.