![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/00/Portrait_of_Geoffrey_Chaucer_%25284671380%2529_%2528cropped%2529_02.jpg/640px-Portrait_of_Geoffrey_Chaucer_%25284671380%2529_%2528cropped%2529_02.jpg&w=640&q=50)
Geoffrey Chaucer
From Wikipedia, the free encyclopedia
Si Geoffrey Chaucer (/ˈtʃɔːsər/; c. 1340s – 25 Oktobre 1400) sarong Ingles na pararawit, autor, asin eskribyente na midbid na gayo bilang kagsurat kan The Canterbury Tales.[1] Siya binansagan na "ama kan Literaturang Ingles", o siring man, "ama kan Rawit na Ingles".[2] Siya an pinakaenot na parasurat na ilinubong sa Sugod nin mga Poeta, sa Westminster Abbey.[3] Si Chaucer nag'ani man kabantogan bilang sarong pilosopo, astronomo, na nagmukna kan sayantipikong A Treatise on the Astrolabe para sa saiyang 10ng taon an edad na aki na si Lewis. Siya nagmantener nin karera sa serbisyo sibil bilang burokrat, courtier, diplomata, asin myembro kan parlamento.
Geoffrey Chaucer | |
---|---|
![]() Retrato ni Chaucer (Ika-19 na siglo, saray sa National Library of Wales) | |
Kamundagan | c. 1340s Londres, Inglaterra |
Kagadanan | 25 Oktobre 1400(1400-10-25) (edad Error: Need valid year, month, day) Londres, Inglaterra |
Lulubngan | Westminster Abbey, Londres, Inglaterra |
Trabaho |
|
Era | Plantagenet |
Mga aki | 4, kairiba sa Thomas |
Sa mga trabaho ni Chaucer iyo pa an The Book of the Duchess, The House of Fame, The Legend of Good Women, asin Troilus and Criseyde. Siya an pigmidbid na nagtaong lehitimong pag'usar sa literatura kan Tangang Ingles kan an dominanteng mga lenggwaheng literaryo sa Inglaterra iyo pa an Anglo-Norman French asin Latin.[4] An kagubay ni Chaucer na siThomas Hoccleve pig'umaw siya bilang "the firste fyndere of our fair langage" (i.e., siya pinakaenot na nakakua nin ikakapagrarawit sa Ingles).[5][6] Haros duwang ribong katagang Ingles an pinatunayan sa mga manuskrito ni Chaucer.