Gapo (heolohiya)

An gapo (Ingles: rock) iyo an maski anong natural na solidong masa o agregado nin mga mineral o mineraloyd na materya. Pigkakategorisa ini sa paagi kan kaibanang mineral, an komposisyong kimikal asin an paagi kun pano ini nahaman. An mga gapo minabilog sa paluwas na solidong layer kan Kinaban, an crust, asin an kadaklan kan interyor kaini, pwera sa likidong panluwas na core asin pakete nin magma sa astenospero.

An Grand Canyon iyo pigbibilog nin mga gupit sa mga lebel nin sedimentaryong gapo.

Gapo na hale sa dagat.

An mga gapo iyo harus nagugrupo sa tolong panginot na grupo: an mga igneyong gapo, sedimentaryong gapo, asin metamorpikong gapo. An mga igneyong gapo iyo nahahaman kapag naglipot an magma sa kadagaan, o naglipot an lava sa kadagaan o sa irarom kan kadagatan. An mga sedimentaryong gapo iyo nahahaman sa paagi nin diagenesis o lithification kan mga sedimento, na iyo nahahaman man sa paagi nin weathering, transportasyon, asin deposisyon nin mga yayaon na gapo. An mga metamorpikong gapo iyo nahahaman kapag an yayaon na gapo iyo napasairarom sa labing presyon asin temperatura—na iyo nangyayari, halimbawa, kapag nagkaigwa nin kolisyon sa mga kontinental na plato.^[1]

An siyentipikong pag-aadal nin karakter asin ginikanan kan mga gapo iyo inaapod na petrolohiya, na iyo esensyal na subdisiplina kan heolohiya.^[2]

Panluwas na takod

• Rocks sa Wikibooks
• Igwang relatibong medya para sa Mga gapo duman sa Wikimedia Commons
• An diksyunaryong boot sabihon kan rock sa Wiktionary

Toltolan

1. Lillie, Robert J. (2005). Parks and plates : the geology of our national parks, monuments, and seashores (1st ed.). New York: W.W. Norton. ISBN 0393924076.
2. Harbaugh, John W.; Windley, Brian Frederick. "Geology". Encyclopædia Britannica. Retrieved 15 April 2019.