From Wikipedia, the free encyclopedia
An Ganges (sa Indya: Ganga, sa Bangladesh: Padma) iyo sarong salog na nagbubulos kapwa sa Indya asin sa Bangladesh. An 2,704 km (1,680 mi) na salog naggikan sa solnopan na Himalaya sa estado kan Uttarakhand sa Indya. Ini nagbubulos pasiring sa habagatan asin sa sirangan sa paagi kan Gangetic plain kan Amihanan na Indya, nagreresibi sa toong tampi kan salog na tributaryo, an Yamuna, na kun saen naggikan man sa solnopan na Himalaya kan Indya asin nagkapirang walang tampi kan salog na tributaryo gikan sa Nepal na nagkokontribwir sa dakul niyang bulos. Sa estado kan West Bengali, Indya, an feeder canal na naghale sa saiyang toong tampi kan salog nagpasiring sa 50% kan saiyang bulos pasiring sa habagatan, artipisyalmemteng nagsusugpon kaan sa salog Hoooghly. An Ganges nagpapadagos pasiring sa Bangladesh, an saiyang ngaran nagbago asin nagin Padma. Ini kaiba an Jamuna, an ibabang bulos kan Brahmaputra, asin man an Meghna, nagbibilog sa mayor na sabang kan Sabang Ganges, asin nagbabawas pasiring sa Bay of Bengal.An sistemang Ganges-Brahmaputra-Meghna iyo an ikatulong pinakadakula na salog sa kinaban sa pagdiskarga.[1][2]
An mayor na stem kan Ganges nagpoon sa banwaan kan Devprayag, sa confluence kan Alaknanda, kun saen an source stream sa hidrolohiya nin huli ta an pinakahalaba, asin an Bhagirathi, na nagkokonsiderar kan source stream sa mitolohiyang Hindu.
An Ganges sarong linya nin buhay sa milyones katawo na nakaestar sa basin asin nakadepende sa saiya para sa pan-aroaldaw na pangangaipo. Ini importanteng marhay poon pa kan halawig na panahon an nakaagi, na an mga dating probinsya o imperyal na kabisera siring kan Pataliputra, Kannauj, Kara, Munger, Kashi, Patna, Hailjipur, Delhi, Bhagalpur, Murshidabad, Baharampur, Kampilya asin Kolkata manunuparan sa tampi kan salog na tributaryo asin kasugpon kan waterways. An salog erokan kan haros 140 na espesye nin sira, 90 na espesye nin ampibyano, reptilya asin mamalya kabali na an madali nang mapuho na mga espesye siring kan gharial asin South Asian river dolphin. An Ganges an pinakasagradong salog para sa mga Hindu. Ini sinasamba bilang an diosa Ganga sa Hinduismo.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.