Diringkilan kan Hapon asin Korea
From Wikipedia, the free encyclopedia
From Wikipedia, the free encyclopedia
An Hapon saka an Korea (magkasi Amnayan asin Habagatan) may mga isyung nagin mga punto nin diringkilan kan mga nasyon na ini. Saro na diyan iyo an inaapod na "comfort women" (mga babaeng ginamit sa pagsex kan mga soldados na Hapon durante kan Ikaduwang Gerang Pankinaban.
An Korea nasakop asin pinamoonan kan gobyernong Hapon Imperial hanggan taon 1945. Kan makalungkas ini, an Habagatan Korea habong makinegosyo o magbukas nin diplomatikong relasyon sa Hapon. Alagad, kan taon 1965, nagkaulian man giraray an duwa asin an mga nasyon na ini nagin makusog na magribayan negosyo, mala ta ngonyan dakulon nang mga estudyante, turista, mga taga'aling asin mga negosyante an nagririnibayan asin nagbabyahe pabalik-balik sa pag'ultan kan Hapon asin Habagatan Korea. Pero an relasyon pulitikal asin ekonomiko kan Hapon asin Amnayan Korea dai guminantad. Masabi pa, an Hapon ngane dai binibisto an Amnayan Korea bilang sarong tunay na nasyon.
Kan an Hapon sinakop asin pig'administrar an gobyerno kan Korea, an Hapon naghakot nin mga artifact kultural hale sa Korea asin dinara sa nasyon nin Hapon. Sinasabi kan Habagatan Korea na 75,311 artifact na kultural nawara igdi asin nakabalyo sa Hapon (34,369), Estados Unidos (17,803) asin Pransya (mgapirang gatos). [1] Kan Ikaduwang Gerang Pankinaban, mga Koreanong babae an pirit na ginibong lingaan sa sex kan mga soldados na Hapon. Siring man, magkapirang mga isla an pig'aaragawan kan duwang ini arog kan Liancourt Rocks (Dokdo, apod kan Korea; Takeshima apod kan Hapon) asin Tsushima (Daemado, sa mga Koreano). [2]
An Korea man hinuhurot an gobyernong Hapon na magtaong dispensang tunay sa mga Koreano kaidtong mga taon na sinakop kaini an Korea na kun kasuarin kadakul na mga pang'aabuso an naginibo kan mga Hapon asin man kan mga pangyayaring pag'aabuso kan Hapon sa Ikaduwang Gerang Pankinaban.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
