Awtoridad Pansyudad kan Subic Bay
From Wikipedia, the free encyclopedia
An Awtoridad Pansyudad kan Subic Bay o Subic Bay Metropolitan Authority (pigpapalipot bilang "SBMA", Filipino: Pangasiwaang Panlungsod ng Subic Bay[1]) iyo sarong ahensya nin gobyerno kan Filipinas.[2][3] Minsan pinapalipot bilang SBMA, an ahensya nagganap nin signipikong parte sa pagpapauswag kan Subic Bay Freeport asin an Special Economic Zone pasiring sa lugar na nagpapahiling nin industriyal, komersyal, pinansyal na kauswagan sa sona pati naman sa bilog na Filipinas.
An lugar nin sakop kan SBMA iyo kaiba an nagligad na U.S. Naval Base Subic Bay, mga parte kan rawis nin Redondo kun sain mahihiling an Subic Hanjin shipyard, asin an nagligad na akomodasyon kan Estados Unidos sa mga burol na komposisyon an pagpapaharong sa Binictican asin Kalayan.[4]
An SBMA iyo presenteng pinamamayohan kan dating Alkalde kan Syudad nin Olongapo na si Rolen Paulino poon kan Marso 1, 2022. An saiyang sinundan bilang Pamayo asin Tagamato poon 2017 hasta 2022 iyo an abogada asin public affairs manager kan Philip Morris Fortune Tobacco Company Inc. (PMFTC) na si Wilma T. Eisma.[5]