From Wikipedia, the free encyclopedia
Si Ahmad Shah Massoud (احمد شاه مسعود- Aḥmad Šāh Mas'ūd; Septyembre 2, 1953 – Septyembre 9, 2001) sarong Apganong estudyante nin inhenyero sa Kabul na nagin lider militar asin dakulang gayo an papel sa pagpalayas kan Hokbong Sobyet sa nasyon kan Apganistan. Huli kaini, siya nabansagan "Leon nin Panjshir"; an mga parasunod niya inapod siyang Āmir Sāhib-e Shahīd (An Samong Namomotan na Kumandanteng Martiryo). Sinasabing sarong debotong Sunni Muslim, na pirming may bitbit kan libro ni Ghazli (sarong Sufing mistiko), siya maisog na sinikwal an mga interpretasyon kan Islam kan mga Taliban, kan Al Qaeda asin kan mga Saudita na nag'aandorog sa Taliban. An mga tagasunod niya hinihiling siyang gayo bako sana bilang sarong lider militar kundi komo sarong lider espiritual.[4]
Ahmad Shah Massoud احمد شاه مسعود | |
---|---|
Minister of Defense of Afghanistan | |
Termino Abril 28, 1992 – Septyembre 9, 2001 Temporaryo Abril 28, 1992 to Hunyo 28, 1992 Kontra sa Taliban poon Septyembre 27, 1996 | |
President | Burhanuddin Rabbani |
Suminunod ki | Mohammad Aslam Watanjar |
Sinundan ni | Mohammed Fahim |
Personal na mga detalye | |
Kamundagan | [nangangaipo nin toltolan] Bazarak, Panjshir, Afghanistan | Septyembre 2, 1953
Kagadanan | Septyembre 9, 2001 48) Takhar Province, Afghanistan[lower-alpha 1] | (edad
Partido politikal | Jamiat-e Islami |
Agom | Sediqa Massoud |
Mga aki | 6, kabali si Ahmad |
Awards | National Hero of Afghanistan![]() |
Military service | |
(Mga) gaha | "Lion of Panjshir" (Persiyano: شیر پنجشیر) |
Serbisyo/sangay | ![]() ![]() ![]() |
Mga taon kan serbisyo | 1975–2001 |
Ranggo | General |
Commands | Mujahideen commander during the Soviet–Afghan War Commander of the United Islamic Front |
Battles/wars |
|
Kan mag'atras na an mga tropang Sobyet sa Apganistan, an Wall Street Journal binunyagan siyang "An Apganong ginana an Cold War". Kan maglakma' na an komunistang gobyerno na suportado kan mga Sobyet (1992), an Republikang Demokratiko nin Apganistan na pinamayohan ni Mohammad Najibullah, si Massoud nagin Ministro kan Defensa sa gobyerno ni Burhanuddin Rabbani. Alagad pag'abot kan taon 1996, panahon na nagbungkaras an pwersa kan Taliban asin naagaw kani an poder, si Massoud nagbalik sa papel niyang lider sa oposisyon. Ginibo siyang kumander militar asin lider pulitikal kan United Islamic Front. Sa Solnopan, inapod an grupong oposisyon na ini na Northern Alliance.
Kan Septyembre 9, 2001, duwang aldaw bago kaidtong atake Septyembre 11 sa Estados Unidos, si Massoud naasisinar sa probinsya nin Takhar, Apganistan kan duwang pinagsasahotan na mga Arabong myembro kan al-Qaeda na nagsaginsagin mga peryodista na mainterbyu saiya. Siya sunod na taon pigbunyagan bilang sarong heroe nasyunal sa pagboot ni Apganong Presidente na si Hamid Karzai.An aldaw kan saiyang kagadanan, Sept. 9, pigroromdom ngonyan bilang "Aldaw ni Massoud" kan nasyon.[5] Nominado man siya kan 2002 bilang kandidato para sa Nobel Peace Prize.
(documentary film directly from the year 1989 explaining the beginning of the turmoil to follow)
(poon 1992: sarong bulan pakatapos nagbagsak an komunistang rehimen, kan si Hekmatyar mapalayas asin nagdalagan sa habagatan na luwasluwas kan Kabul, bago siya nagparabomba naman kan Kabul, na suportado kan mga Pakistani)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.